cikin Tsarin Gidan nan da kin tafi shikenan sai kuma Waya zuwa ma sai da Dalili mai karfi.
Gidan Baba Malam ba"a kai Amarya bai yarda ba baya cikin Tsarinsa ba"a Taba ba kuma baza"a Fara ba kuma Daga Washegari Taro zai tashi Baki Duk zasu koma Gidansu komai nashi Cikin Taka Tsantsan ne baya yarda yayi abunda zai kaucema Tsarin Addini da Sallah.

******
*Monday..*
10:20am
Gidan Baba Sa"idu..!

Mamanmu Dake kofar Kitchen Tana Gyaran Zogale Awani Faranti mai kyau tana Zaune kan karamar Kujera yar Tsugunno,Yaya kuma na Daga Kofar Dakinta Tana zaune kan Wata Darduma Data shimfada Farcenta Datake yankewa da abun Yanke Kumba,Hira suke da Mamanmu Sama Sama yayinda Amina ke daga Cikin dakin Mamanmu Saman Daya daga cikin kujerun da sukayi ma falon kwanya tana kwance ne tayi kwanciyar Ruf da ciki tana Sanye da riga da sikat na kanti kanta sanye cikin Hula baka Wayar mamanmu ce a hannunta Kirar Nokia tana game din Maciji Cikin kwarewa Amina ce kadai keda wannan Damar bayan ita Mamanmu bata yarda wani ya taba mata yawa suma banda ita bawanda ma ya damu da wayar tunda ba sabawa da ita sukayi ba.
Hamida ce ta fito Daga Cikin Dakinsu Dauke da wani Sikat na Leshi a Hannunta duk ya yamutse tana nuna ma Mamanmu itama Riga da Sikat din ne ajikinta sai dai nata Ja da Baki ne Cikin Mamaki tace"Mamanmu kalli wannan Sikat din..!na Amina ne fa ko gegesu batayi ba duk sun yamutse..
Mamanmu Dake duke ta Dago tana Fadin"Shine me...?tunda bata gyara ba ki gyara mata mana..?kema kinsan Amina bata da kokarin nan ke tunda kina da Himma sai ki gyara mata amfanin Yan"uwan kenan..!
Hamida ta tura baki Tana Fadin"Allah Mamanmu ki daina cewa haka..Tafa iya Tsabar Wulakanci ne irin na Amina ai naga kayan da zata saka Ranar Bikin su ya Zulaihat.!
Mamanmu tace"Eh ko bama haka ba ta isa ta sakaki ai tana gaba Dake..Oya kije ki gyara mata kayan Dirowanta in kuma sun kawo wuta ki goge mata ki adana mata kinji ko Hamida..?
Ta Karishe da Sigar Lallashi Baki tadan Tura kafin tayi mgana Mamanmu ta Katseta da Fadin"Ban sanki da gaddama ba Hamida..Mganar kaya kuma Hajiya Babba tayi muku kayan Fitar Biki Ranar dana shiga na gansu Tace Shamsu zai kai Dinki..!
Jin haka Hamida ta washe baki Tana Murna Amina nadaga Ciki ta Daga Murya tana Dariya Hamida ta Daga Labulen ta Leka Amina na ganinta tayi mata gwalo Lokaci Daya tana Fadin"Kinci Darajan Mamanmu ne yarinya..!
Amina na Dariya tace"Yarinya na bayan Uwarta..Mganin masu sa ido kenan ina Ruwanki da kayana..!Ni inaga naga Lokacin gyara wasu kaya..!
Hamida tace"Kiji Tsoron Allah..Tun yaushe muke gida..?tun gama Jssce din mu bama zuwa makarantar Boko Sai dai Hadda Karshen Sati..!
Amina tayi Tsaki kafin tace"Kinga bana son Hayaniya..ki kyaleni kawai..!
Hamida ta saki Labulen bata kara mgana ba Amina fa yar Ganin damace ko kayanta bata gyarawa sai ta ga Dama Kuma fa suna gida Tun sati Biyu da gama Jssce dinsu su ya Zulahait ne ke zuwa tunda basu gama Neco ba kwafa tayi ta koma Dakinsu ta cigaba da gyaran Dirowarta dana Amina da Mamanmu tace sai ta gyara mata.
Yaya na zaune har suka gama mganarsu bata Daga kai ba Daman Tana da kawaici bata cika mgana kan wasu abubuwan ba Musammab kan ya"yanta Tana yi ma mamanmu kara gwarama kan su Ya Zeena zakaji muryanta ammh baida kan Amina ba sai Ta cikata sannan take mganinta.

Sai da ta gama yanke Farcen nata ta kankare Lokacin Mamanmu ta gama gyaran Zogalen ta shiga kitchen ta Jikata da Ruwa,ta fito kenan Yaya ta kalleta Tana Fadin"Ni ko Mamansu kinsan D'an Malam ko zai dawo Cikin Satin nan..?
Mamanmu ta Tsaya rike da Kugu kafin Tace"Eh naji su Babansu na mganar sannan naji bakin Hajiya dana Shiga wajenta Ranar..,!
Yaya na Fadada Mirmishinta Tace"Yau da asuba ya Kirani mun gaisa ya Fadamin gobe jirgin Asuba zasu taso...Daga Jidda zuwa gata suna gida..!
Mamanmu ta washe baki Tana Fadin"Masha Allah Allah ya kawo su Lafiya naji jiya Babansu na Fadin kayan su har ya iso tun jiya Shi Kadai zai zo ko Harda ita Sakinar..?
Yaya tace"Yace min Har da ita Sakina sannan yace min zai zo da Bakuwa ma..!
Mamanmu ta tsaya rike da Haba tana Fadin"Bakuwa kuma yaya..!
Yaya bata samu Zarafin mgana ba Hanne tayi sallama Lokaci Daya tana Bayyana atsakar gidan.
Mamanmu da Yaya suka juya kanta Cikin Kulawa sai da ta karisa kan Darduman Yaya ta zauna tana Fadin"Mamanmu yaya sannanku da gida..!
Mamanmu tace"Maraba da Hannatu..Hannatun Aminata..!
Take Fada tana Dariya Hanne ma Dariyan take kanta na kasa ta shiga gaishesu suka amsa mata Yaya ta kalleta Cikin Dogon Hijabinta tana Fadin"Hannatu ya wajen su Hajiya..!
Hanne tace"Kowa lafiya..Tace a gaishemku..!
Suka amsa mata kafin ta mike tana Fadin"Mamanmu su Amina fa..?Daman Hajiya ne tace nazo na Kirasu zamu je chan gidan Ya Dan mallam ne mu yi musu yan gyare gyare kafin su iso..!
Mamanmu tace"Amina na cikin Dakina..Hamida na Dakinsu tama gyara kaya..Amina..Hamida..! Baku ji Zuwan Hanne bane..?
Ta fada tadan Daga Murya Hamida ce ta Fara fitowa tana Fadin"Naji zuwanta Mamanmu ina so na karisane Dirowar Amina kamar Dirowar mara rai mamanmu kaya duk sun Yamutse Wlh Amina kin bani da kazanta..!
Hanne tace"Amina jidalinta bazai barta ma tayi abu mai kyau ba Kina ina ne..?
Amina na jinsu sai da taga Dama ta Fito tana Wani Kallonsu Daya bayan Daya Kafin tace"ina jinku...kawai bana son mgana ne..Ya akayi ne..?
Tafada tana Dafa bangon Dakin Mamanmu.
Hanne tace"ai kinji..Hajiya tace nazo na gayamuku ku shirya muje gidan Ya Dan Malam mu yi musu yan gyare gyare kafin su iso..!
Da Sauri Hamida tace"Kai don Allah..?Bari na gama Yanzu na shirya mu tafi Daman nayi wanka..Amina ce batayi ba..!
Amina ta juya Idanuwanta kafin Tace"Ai ba zuwa ma Zan yi ba..Bar Fadin ma ban yi wanka ba..!
Ba su kadai ba Hatta Yaya sai da ta Dago Tana kallonta Mamanmu bata a wajen tana Kitchen bata jisu ba.
Hanne Tace"Saboda mene...?Hajiya ce fa tace nazo na gaya muku..!
Amina ta mele baki tace"Daman bansan Kakam banki bane hanne Hajiyar ai batace Dole sai munje ba..Ke ni fa nagaji ba wani aikin da zan yi ina kannen Matarsa..?su je mana..!
Hanne tace"Wai su Sa"adatu..?to tare zamu tafi da ita fa..!
Amina tace"Ai kaji..Shiyasa ma bazani ba kinsam na Tsani Hada waje da yarinyar nan.balle tana ganin gidan Yayarsu akaje sai ta nemi Budan Hanci ni kuma kinsan Halin Jidalina Kamar Zawo nake bani da Hakuri..!
Hanne tace"ba abunda zai faru..ai ta Daima Shiga shirginki Tun Sanda Baba mallam ya mata mgana..!
Hamida ta Kada kai kafin tace"Kyaleta Hanne in bazataje ba ni zani..Daman in jin Labarin Haduwar gidan nan banta zuwa ba..!
Hanne tace"Nima ban taba zuwa ba..Kinsan Wanchan Dawowar nasu su ya Abida aka tura shima Dakyar..Yau din ma Baba Sa"idu Hajiya tasa ya Kira Baba Malam ya tambayeshi Da yace baxamu je ba sai dai su Ya Shamsu suje su gyara!
Kinsan Baba Mallam baya son muna Fita ko fa gidansu ya Jafar sau daya muka taba zuwa Inajin Hamida..!
Hamida tace"Wlh kuwa shima Lokacin da Anty Shamsiya ke wannan Laulayin ne muka bi su Hajiya Dakyar Shima Daga Cikin gida sai mota Daga Fitowa sai Mota ko dan gari bamu gani ba..!
Sai Lokacin Yaya ta saka baki Ta mike tana Nannade Dardumanta tana Fadi "Sai abarku kuna mata kuma Yawo agari..?ai ina godema Baba Mallam Har gobe ina jinjina ma Hikimarsa..!
Hamida kiyi ki shirya ku tafi..Ku kyale wacce tace bazata je ba..Rashin zuwanta bazai saka afasa komai ba..!
Tafada Ko kallon Barayin Aminan batayi ba Amina da tasan da ita akeyi ta Tura baki kafin tace"Ai bance ba zani ba..Yasin sai naje nima naga abunda za"ayi Ehe..!
Tafada lokaci Daya tana Juya ido Yaya dai bata ko bi ta kanta ba ta Shige Dakinta Idanuwanta sun kawo kwallah ai akwai wanda Hallayar Amina ke sukan zuciyarta Bayan itace ko Sa"idu bai kaita jin wannan Dacin ba itafa uwace wacce tasan Ciwon abunda ta Haifa Sannan Ita ta kadai tasan aibun mgana da Kullum ake yi akan Amina ita Kadai tasan Ciwon Haifar Zakka cikin Tarin ya"yanka sai dai tana amfani da Nasihar Baba Malam da kullum yake Fada mata Ta rika ma Amina Addu"an Shiriya kada ta sake ta bari ranta ya baci akanta Ballatana watarana ta aibatata Duka basa gyara Tarbiya Sai ma kara Fandarewa Addu"a da Nasiha sune Jagora.
Hawayenta ta Share kafin ta Daga Hannu Sama tana Fadin"Allah ga baiwarka nan Amina kai ka Halliceta kuma Kaddaranka ne kayi ta yadda take..ya Allah ka shiryar da ita..Ka Natsar da ita..ya Allah kada ta zame mana Zakka watarana..Allah ka Bata wani bawanka da zai shigo Rayuwarta da Alheri ya SauyataWatarana..!
Tafada Lokaci daya tana kallon Sama alokacin Bata sani ba Kaddaran Amina Rubutattace ne sannan addu"arta an dade da amsarta bata sani ba.

Amina bata bi ta kan Hamida da Hanne dake mata Dariya ba Har suna Tafawa tayi kwafa batayi mgana ba ganin ta isa Gaban Famfo tana wanke Kafa yasa Hanne tace"Amina wai nufinki bazaki wanka ba..?
Cikin Masifa Amina ta Juyo tana Fadin"Eh din bazan yi ba jikin ki ko nawa..Ban son munafunci Hanne ki Kyaleni..!
Hanne tace"Daga mgana..?Tsiya na Dake bakisan gaskiya..!
Hamida ta leko Daga Cikin Dakimsu tana Fadin"Kice dai batasan abun arziki ba..!
Amina Ta Hura hanci kafin tace"Ba"asani ba din..Hamida da Hanne bana som munafunci kowa yayi harkarsa Fakat..!
Basu kara ma tanka ta ba,Hanne Dakinsy ta shige suna mgana da Hamida tana Fadamata Malam yau baya nan yaje Jigawa Saukar Al"qur'ani da wata Makaranta ta gayyaceshi sai ga Amina ta shigo Tana Hura Hanci jira take amata mgana ta Fara jidalisai ta ga Tataga sun yi banzada ita suna Cigaba da Hirarsu.
Tsab Hamida ta Shirya ta saka Hijabinta da Safa Amina ce ta Tsaya sai bata Musu Lokaci take Hanne tace"Amina don Allah kiyi sauri..Dakyar fa Baba ya barmu..Kuma kinsan in muka Dade hukuncinmu..!
Amina ta cika Bakinta da iska kafin tace"kunga nifa bana son ana Damuna..In kunga bazaku iya jira ba Kuyi gaba ban ce Dole wata Cikin ku ta Jirani ba Atoh..!
Tafada Lokaci Daya tana Bude Dirowarta ta kaya Baki ta Washe ganin Hamida ta gyara mata Cikin Shakiyanci tace"Hamidas..Kai mijinki Wlh ya More da gyara baki da kiwuya..wlh irinku ne masu yima Kishiya wanki da guga harda Uwar miji..!
Ta karishe Fada tana Tsintsira Dariya Hamida tayi tsaki kafin tace"Kina da mtsala Amina..!
Amina tace"Nafi gidan Haya..Tsohowar Mota ma nan taganni ta barni don kwal ubanta..!
Amina ce fa sai ta gama bata musu Lokaci kuma amata mgana tace an Dameta in baza"a jirata ba ayi gaba..
Saida ta gajida mgana kana ta shirya sai da taga Hanne ta kusa kuka sannan ta Sauya kaya zuwa Doguwar riga tama mata kadan Gwiwan kafarta a waje ta kuma Sanya Hijabi ko kasa bai kaimata ba.
Hamida ta kalleta Kafin tace"Amina kalli kaurinki a waje..Ki saka Safa mana..!
Amina tace"Wlh bazan saka ba..Ke haka Kurum ana Fama da Zafin nan..Nifa bana son Zuhudu bazan kashe kaina ba. ke dai bakin saka ba. to miye na Damuwa sai na saka..?
Hamida tace"Kafarki fa awaje..Kinsan fa bai kamata ba..!
Amina ta Tsaya Lokaci Daya tana Fadi "Kafata a waje take..A"a kice Tsirara nayi ba kafata a waje ba..Hamida kin fara isata acikin gidan nan in ban kwabe ba nace na fasa zuwa kuce ba sunana Amina ba..!
Da Sauri Hanne tace"Yi hakuri..Don Muje.Wlh in muka bata Lokaci Hajiya zatace mu barshi su Ya shamsu suje.!
Tsaki Amina Taja tayi gaba tana Fadin"Dilla yo Laifina ne..?baga wacce ta wani Dameni da mganar banza ba nan..Ni wlh na tsani iyayi hamida kuma Halinta kenan Shigen Neman suna da son Nuna tafi kowa son Allah..!
Hamida ta kalli Hanne zatayi mgana ta Rufe mata baki tana Fadin"Don Allah ki kyaleta..Kinsan Halin Jidalin Amina bataki a fasa tafiyar na ba ta Zauna tana sauke mana Rashin Mutumta..!
Dole Hamida tayi shuru suka Fice Kitchen suka fara shiga suka ma Mamanmu Sallama Amina ta Bude Tukwinyar girkin tana Fadin"La Mamanmu Zogale kike Dafawa..!
Tana Dariya tace"Zulaihat na Rage ma aiki..Dambun Zogale zatayi inta Dawo Saboda Aba dinku..!
Amina tace"Wayyo Mamanmu..A ijiyemin mai yawa don Allah..!
Hanne ta Harareta tana Fadin"Ke kadai.?kina da son kai mu fa ba mutane bane ko..,?
Amina ta juya ido tana Rumgume Mamanmu ta baya tana Fadin"Saboda ni kadai ce Diyar Mamanmu ko Mamanmu..?
Mamanmu na Dariya tace"Kwarai kuma baki da na biyu a wajena..Kuje zan Dibar muku da yawa saboda Diyata..!
Fita sukayi Amina nayi musu gwalo Dakin Yaya suka shiga suka mata sallama Amina kin shiga tayi Daga waje ta tsaya suka fito Kafin su Rankaya zuwa gidansu Hanne din Shashen Hajiya suka shiga sai Fada take musu rana tayi.
Hanne tace"hajiya Amina fa ta bata mana Lokaci..!
Hajiya tace"ku kuka sani..In Malam dai ya Dawo bazaku je ba..Tun Dazu Na kira Idi na jiranku zai kai ku kuma zai Tsaya ya Dauko ku..Kuna da yawa..Kagaki ga Mamah ga Hamida da Sa"a kuyi hanzari share share ne da goge kunji ko..?bana son Malam ya Dawo baku dawo ba Dagani har ku ranmu sai ya baci..!
Hanne tace"To Ina key din gidam Hajiya..!
Hajiya tace"Na duba na wajena ban gani ba..Kuje shashen Amarya ku amsa wajenta tana dashi..!
Amina saita koma ta Zauna tana Fadin"in kun amso ku gayamin..!
Hajiya tace"In baki je ba..Tafi Haraba wajen Mota Idi na nan na jiranku..!
Ba Musu ta mike suka fice Tare su suka Wuce Shashen Anty Amarya ita kuma ta koma Haraban gidan Inda Idi ke Cikin mota kirar Siana yana Jiransu.
Tafi minti goma da Fitowa sai gasu sun Fito Sa"adatu ce abaya tana wani Bude Hanci Hannunta Leda ne babba komiye aciki oho..?Sai key din gidan tana wani Kadawa Amina Kallo Daya ta mata ta Kauda kai itama Shiga Motar sukayi bayan sun gaisar Idi kamar yadda Tarbiyansu take..
Kai Tsaye daganan bai Diresu ko"ina ba Sai Kofar Arewa,inda gidan Ya Dan Mallam yake.
Tundaga Wajen gidan suka saki baki suna kallon Wannan Tsaruwa kamar a Turai akwai megadin Dake Tsaran Gidan wani Buzu ne,bai ko jin Hausa sosai,Idi megadi yayi Hon ya Bude musu suka Sulala Ciki tun da suka Fito sukayi ta kallon gidan ba wani Babba bane sai dai ya Tsaru matuka Gashi gabadaya Haraban gidan yana Shimdide da Marbels mai Santsi Kalan Ruwan kasa mai Duhun Get din Gidan Fari ne Fentin gidan kuma Ciki da wajensa Mai ruwan pich ne mai kyau da kyalli.
Sa"adatu ce agaba ita adole masu gida Amina ta tabe baki ita Sakarcin Hanne ta gani ita wazai je gidan Ya Jafar yamata wannan Ikon bata ci uban Mutum ba.
Sai da suka Shiga Falon suka san Waje basu ga komai ba Duk da gidan ya Dade a Rufe ammh kuma babu abunda ya Sauya wani Sanyin Dadi ne ya Daki Hancinsu sai da Amina ta Lumshe Manyan Idanuwamta tana kare ma Falon kallo.
Komai Baki da Fari ne duk yadda akayi Mai gidan yana son Kalan sosai.
Sannan Duka kujerun da Dining an Rufesu da Fararan kyallle,Sai Cafet duk an Nadesu waje Daya Komai dai yana Muhallinsa ammh an Killacesa Daman gidan bayan wani Lokaci su Ya Shamsi na zuwa suna gyarawa sannan Sai Karshen Shekara yake zuwa da ita iyalin nasa,ammh yakan zo a shekara su Uku zuwa Hudu kuma agidansa yake sauka.
Falo ne Babba sai Bedroom guda uku sai Kitchen guda Biyu Sa"adatu ita ta Bude bedroom din guda Biyu Bata Bude Dayan ba ta Dago tana kallon Su Hanne Lokaci Daya tana Fadin"Bari na Bude muku kitchen ku fara da Chan kafin mu zo Falo..Ni zan gyara Bedrooms din Anty Sakina..!
Bawai neman Shawaransu take ba Umarni ne take basu Hanne ko ajikinta ta taka ta mika hannu Tana Fadin"Bani key din na Bude Kitchen din..ki gyara chan din Saboda aikin yayi mana Sauri.Ko kuma Hamida ta shiga Dayam ta gyara ni da Amina mu gyaro Kitchen din ko ya kika gani..?
Da Sauri Sa"adatu tace"A"a ku gyara chan gabadaya in kun gama ga Falo.ni zan gyara Duka bedrooms din ai guda Biyu ne Dayan na Yaya D'an Malam ne kuma Key na wajen su ya Jafar..!
Hanne bata kara mgana ba ta karbi key din ta Bude kitchen din ta Juya tana cema su Amina"Bismillah..!
Hamida tabi bayanta Amina kuwa sai da ta gama Tabe baki kana ta Bisu Ciki Sa"adatu kuma ta shige Ciki abunta.
Amina baki ta saki da Hanci tana kallon Tsaruwa da Haduwar Kitchen din Shima Fari ne da baki gabadaya Cabinet din kitchen din Fari da Baki ne Hatta marbels din Dake Kitchen din ma Fari ne yana kyali Kamar ana Gyarssa ba wani Datti sai ku ran da baza"a rasa ba tunda komai na amfanin Girki suna cikin Kwalayensu ne Fridge ma ba komai aciki sai ruwa da Lemo,Hamida na Duba Kitchen din tace"Gidan ma ba wani Datti..!
Hanne na Kokarin Bude Store tace"Ai Dayake su ya shamsu na zuwa suna gyarawa..Sannan Anty Sakina gaskiya akwai Tsabta kafin su tafi sai ta Hada komai nata ta adana..!
Ba wanda yace wani abu har ta Bude Store din Gabadaya kayan abinci ne Dankam aciki Hamida ta Leka tana Fadin"Hanne kayan abincin su basa Lalacewa ne..?
Hanne tace"Suna Lalacewa mana..kamar fa wannan kwananan aka Zubasu ai kafin su koma suna Kyautar da komai kafin su koma..!
Hamida ta gyada kai tana Fadin"Hum..!
Amina dai na gefe batace komai ba sai Kalle kalle takeyi basu bi ta kanta ba suka Fara goge gpge Da kakkabe kakkabe tunda sun ga tsintsiya da Moper anan Kitchen din da Towel din gogen Kitchen Amina na gefe ko Hannu bata saka ba Domin Taga abun akwai rainin Wayau aciki.
Hamida ne ta juya tana kallonta kafin tace"To ke Amina tunda mun kama nan ko zaki je ji kama Gyaran Falon ne..?
Amina ta tabe baki kafin tace"Ni daman nace muku zan yi wani aiki ne..?ke hanne wai nan ba gidan yayanki bane..?
Hanne bata gane Tambayan ba tace"Bangane ba..?
Amina tace"to gani nayi ta zabi Aiki mai Sauki ku ta hadoki da gyaran Kura..ji yadda take bada Umarni kamar gidansu..In tana takama matar gidan yayartace..Ai kema mai gidan ne Yayanki kin fita iko dashi..!
Hanne tace"Sai me..?ni ina komai ne Saboda Allah da Ya Dan Malam ba Saboda wata Sa"adatu ba..Kema don Allah kidaina mgana in baki yi ba ki koma Falo ki zauna nidai muyi mu gama Lafiya mu tafi gida..!
Hamida tace"Ni ban ma ga abun mgana ba Wlh..!
Amina ta ballara mata Harara tana Fadin"Ai bazaki gani ba..!
Daganan ta yi ficewarta Falo ta koma ta