budi bakinta tana ta yi ba kakautawa, a hankali ta ringa jin zuciyarta na rage mata nauyi har ta ji ta fara yinsa a rarabe rarabe , sannu a hankali gaba daya ta dauke sakamakon nanauyan bacin da ya fizgeta ta tafi bacinta

Tati dake tsaye tun dazun tana kallonta hannayenta rungume a kirjinta ta sauke ajiyar zuciya ta juya a hankali ta fita a dakin zuciyarta na kara tsintsinkewa

Hango shi kawai ta yi ya shige dakin mamansa hakan ya saka gabanta bugawa

Tsoronta daya, kar shima yau lamarin mamansa ya shafe shi, shin yaya zasu kwashe? Shin me zai ji? Me zai same shi? Yaya zai dauki abin? Wa zai tuhuma da irim duban nan nasa?

Tunanin mafita a gareta ta fara yi, shin ta gudu dakinta ne ko ta tsaya har ya fito ya sauke mata tashin hankalin a kanta? Shin yaya zai amshi sakon nan na mamansa? ?????????????

Yana shiga dakin mama da salama a bakinsa ya gantsa tsaye tana ninke kayanta da ta ciro sakamakon rashin abin yi ga tunani na neman tarwatsa mata kwakwaluwarta

Ido hudu suka yi ita da shi, baya shirya sakar masa da murmushi ba sai da ta ga gaba daya ya sakar mata da murmushi sannan ya nufota da yannayi na zumudi da soyaya irin ta uwa da d'a

Tsoro, kunya, fargaba, suka tarun mata suka dirar mata lokaci daya, ta rasa ta ina zata fara, da me zata fara

HISHAM na karasawa kamar yanda ya saba gaisheta sai da ya duka ya gaisheta sannan ya mike ya ajiye wayoyinsa nan gefe ya shiga ninke kayan da take ninkewa yana kallon yannayinta, domin a duniya idan matar nan na cikin farin ciki ko akasinsa daga ya kaleta yake ganewa

Yana ninkewar tana dan taya shi ta ce" Kai da zaka je wajen aiki ka ajiye ninkin nan Hisham "

Hisham ya yi murmushi a sanyaye ya ce" To koma wani irin aiki ne a bayan na mamana yake, "

Sai kuma ya kara kure fuskarta da duba a hankali ya ce" Me ke damun mamana ne? "

Mama sai da ta dan dakata ta kale shi, sai kuma ta jara sada kanta kasa

Ajiyar zuciya ta sauke kafin ta nemi waje ta zauna dan gabatar da shawarar da ta gama yankewa kanta ta inda zata biyo masa

Gefenta ta nuna masa kan ya zauna, hakan ya saka da sauri ya zauna yana kallonta

Mama ta mika hannunta a hankali ta kamo nasa dake ajiye a kan katifar ta sanyayar da muryarta a hankali ta ce" HISHAM yaushe zaka tare da matarka a gidanku ne? "

Hisham ya dago yana kara kallon fuskarta aman bai ce komai ba sai ya kara sada kansa kasa

A hankali ta ce" Hakkinta na kanka, Hisham ba iya haka bane hakkin aure, hakkin aure yana da yawa ciki harda kula da matarka ta yada zata ji dadin zama da kai , Hisham aure daraja ne da shi, yana da girman gaske, yana tafe da abubuwa masu adalci da daukaka, Hisham ta amsa sunnan matarka, harma ta je dakinka shin me zai hanna ka kilaceta kamar yanda kowace macen aure ke kilace a gefen mijinta sai dai idan wani baban lamari ya taso ya hanna hakan?, ka dube ni nan, shin so kake Allah ya tsayar da mu duka a gabansa kan hakkin yarinyar nan ne ko me? "

Hisham ya girgiza kansa yana kara sada kansa cike da kunyar mamansa da kuma jin nauyinta a ransa

Mama ta kuma dago habarsa ta ce" Ina baka umarnin a yau yau ka fara kilace matarka, idanma ni zan daukar maka ita na kaita ka bamu dama mu sadata da dakinta ka ji? "

Hisham ya dan gyada kansa a sanyayen dai sannan bai furta komai a kan maganar ba

Mama ta ja numfashinta domin yanzun ne zata fara maganar da take kayar mata da gaba, hakan ya saka ta kasa kallon yannayin fuskarsa koma wani abin da zai sakata dasa aya a maganarta tun kafin ta kai karshe ta ce" HISHAM sai maganar yarinyar cen, har yanzu na ga ka yi shiru a kan lamarin yarinyar cen, Hisham harma ka biye mata ka sakata koyon kwaliyar nan, Hisham har ta fara shigar nan ta fita waje bayan kwana biyu ta daina kwata kwata, idan da na yi shiru a matsayin budurwa take, a yanzu kuwa sunnan yarinyar nan bazawara!"

Yansun shi yake kallon fuskarta ita kuwa ta cire nata duban a kansa hakan ya saka shi gannin tsabar tashin hankali da gaskiya a furucinta

Mama ta dora da fadin" Hisham, ku biyu nan kawai, kune damuwata, kune rashin nutsuwata, kune ke iya tarwatsa kwonciyar hankalina, Hisham ka ga a zaunen nan da nake na gama yankewa kanwarka magana daya tak idan har bata fitar da miji nan da sati daya ba zan mugun saba mata, Hisham ni da kaina zan samu mahaifinta na masa maganar yarinyar nan, miji nake so ya zaba mata a matsayinsa na mahaifi a gareta ya daura mata aure ta tare a dakin mijinta, kaima ka dauki matarka ka je ka yi zamanka da matarka ko hankalina zai kwonta, sam sam ba zan iya ci gaba da walwala da irin tunanin abinda ke faruwa a kan Bilkisu ba!"

Idan ya fahimta da kyau maganar mamansa, nuninta Billy ta tare da wani zabin na mahaifinta shima ya tare da Aisha?

A hankali ya girgiza kansa dan ya karyata ya kara gyara zamansa yana kallonta ya ce" Mama, wani abin ke faruwa ne da Bilky?, wani abu yake faruwa da ita ban sani ba?, mama ba zamu barta ta gama karatunta ba duka duka shekararta nawa? Auren cen da aka daura mata ba kowa ya san da shi ba bale a ce har an mata aure ta fito, yarinyar da ko tarewa bata yi bale a mata wani sharrin?"

Mama ta yi murmushi tana karfafawa kanta gwuiwa ta ce" Ai damuwar kennan, rashin tarewar har auren ya mutu daga daura shi, sai kuma jin mutun daya dake zaga gari a lokacin da ba'a shiryawa hakan ba, Hisham kar ka yi mamakin a yanzu du wanda ya san Bilkisu ya san an daura mata aure har an saketa .....menene tambayar da mutane zasu ringa dorawa a kan dalilin sakin yarinya?, shin meye ya sa daurin auren ko tarewa bata yi da miji ba ya saketa? Wani mumunan hali ne da ita? Ko bata da lafia?"

Da sauro ya kara kallon mama hakan ya saka ta gyada kanta tana kara tabatar masa da yannayin idannuwanta ta ce" Babu abinda ba za'a ce ba, duniyar? Ba abinda ba za'a fada ba, haka kuma mutanen da basu san bama da maganar auren sunna iya tsara amsar da ta masu dadi daidai da irin mu'amalarsu da ita su bada, ba wanda bashi da mai juran ya ji lalacewarsa a duniya ba wani abu ka tsare masa ba kawai kai din ne baka yi masa ba, idan magana ta zaga kunnensa irinsa ba sai ya ji ba'asin sakinka ba, daga inda yake zaune zai ce to dama, me ake jira da wance?.....ta haka zai lauya tasa kalar karyar ya zarga, ba yanzu nake dubi ba, aa, magana bata birnuwa kwata kwata, tsiro take ta yanda bata yado sai an tashi abin arziki, ire iren haka sai ka ga yarinyar tun tana ganiyar yarintarta har ta kai wajen da tarmamuwarta zata disashe, Hisham Allah ya kiyaye idan tun akoy maneman har ya zamana an rasa sai ita zata nema yaya zamu yi da ita? A lokacin da y'a mace ta ringa samun manema ta kowani bangare ake gagawar wanketa a mikata, idan aka tsaya tsaye tsaye ana samun matsala"

HISHAM da kansa ke kasa yanzun a hankali ya ji bakinsa na fadin" To ni ai ba wannan yake gabana ba, koma me za'ace a kanta ba shine a gabana ba mama"

Mama ta yi gagawar tare maganar dan bata so ko da ya wasa ya maimaita mata kalmar cen, ta ce" AI KAI UBA NE, KAI ABANTA NE, KAI DAMA KO ME ZA'ACE DA KANWARKA TA INA ZAI HANNAKA GANNIN MUTUNCINTA? AMAN MIJIN DA ZAKA MIKAWA ITA, SHI NA FI TSORO, HISHAM BABAN WA UBA NE SHI YASA NAKE SO TUN WURI KA FITA DA NIYAR SAMA MATA MIJI WANDA KA GA YANA DA TARBIYA YA AMSHETA DA ZUCIYA DAYA TA TAFI DAKINTA ITAMA NA HUTA"

da sauri ya kuma juyowa, tun maganarsu ta farko hannunsa ke cikin na mama har yanzun kuwa

Kara tsatsareta ya yi da idannuwansa irin yanda gaba daya maganarta ba tsokana bane ya saka shi jin zai halaka

A hankali ya kara rike hannayenta yana kallonta, sai ya samu kansa da sada kansa yana jin irin yanda zuciyarsa ke wani irin tsalen albarka tana dokawa

A sanyaye ya kara rike hannayenta muryarsa cen cikin makoshinsa ya ce" Mamana, Ni din ina son Bilkisu, kuma ban damu da du wani abinda wani zai ce a kan billyna domin rainona ce, Mamana, idan yanzun kike so a yi da ni da ita sai a yi, ko yau yau sai a daura aurenmu mamana"

Mama ta rintse idannuwanta da kyar ta iya kakaro murmushin dole sannan ta kara gyara zamanta tana kallonsa ta ce" Maganar Zainab tashi ta yi ne?, ko so kake ka ce kin yar yarinyar da aka daura maku aure jiya jiya ake son a mata kishiya irin ta son kai? Bayanma wannan itama Bilkisun a jiya da ina mata fada na ce ko dai wani abin ke tsalaninta da kai sai cewa ta yi aa ina ba wani abu ko da wasa ita bata taba kawo hakan a tsakaninku ba, domin kai uba ne a wajenta"

Harta da lebensa rawa yake, sai ya ganshi wani jibgege kawai sakamakon maganar mama, UBA? a hankali ya dago dubansa a sanyaye ya ce" bayan nonon da muka sha tare yanzun kuma Uba ne ni a duniyar Billy? "

Irin maganar da ya yi gaba daya sai mama ta tsinci kanta da kikifta ido, tana kallonsa ta ce" Me kake nufi? "

A hankali ya girgiza kansa sannan ya duka a gaban mama gaba dayansa

Muryarsa a sanyaye ya ce" Mamana, ke kin san na rayu da soyayarta a zuciyata, kuma na san ke mai sona ce, ban san menene dalilinki na biyewa son zuciyar kanwarki, ban san me yasa har kike goyawa wannan lamari baya ba, mama hasalima ban taba dubanta ido da ido na furta mata kalmar so ba, sai kakarewa nake da dukan karfina kan kar wanda ya yi kokarin furta mata hakan, mama idan kika ce ta ce ni babanta ne abin ya min tsauri da yawa, abin ya min girman gaske mamana, ban san idan soyayar billy alkhairi ce a rayuwata ko akasinsa ba, abinda na sani shine nakan duka kaina wajen ibadata na fadawa Allah idan alkhairina ita ce ya nuna min, ya tabatar min, mamana gaba daya sai nake gannin kema yanzum bayan kin giyawa maganar da kika san ba haka bace baya kuma har kin yarda wai ni Hisham kamar baba nake a wajen Billy, mamana ita din ce ta ce bata so na? Me na yi? Mamana me na aikata mai muni haka? Dan Allah ki yafe min kar laifin kowa ya shafi yaronki, mamana ki yafe min kar ki yi anfani da karfin ikon da Allah ya baki na isa da kika yi kan saka mu ko hanna mu, mu bi umarni a rayuwarmu , mama koma menene Allah shi zai warware, mama aman ba zaki sasauta min ba? Na san cewa Allah ba zai dora min abinda ba zan iya dauka ba, aman ban san ta inda zan iya daukan rabani da ita ba, mama shin ba zan samu sasauci a wannan umarni mai shirin dauke min dukan wani kuzarina ba? "

Mama ta ringa sauke ajiyar zuciya wata na korar wata a hankali ta mike da hannayensa dake cikin nata kafin ta raba rikon ta shiga kwasar kayan muryarta na neman yin rawa ta ce" Ka tafi Hisham, ka tashi ka tashi abinda na yanke kennan!"

Hisham ya lumshe idannuwansa juwa na neman maka shi da kasa ya mike a hankali ya iya ciro kalamai kamar haka" A huta lafia "

Yana gama fada ya fita a dakin inda mama ta ja da sauri ta tsaya da jera kayan ta sada kanta a tsayen da take tana ta rike kukan da take ji na son fitowa, ita daya ta shiga fadin" Dama kin san hakan na iya faruwa Asma'u, ki yi hakuri, ki yi hakuri ki jure domin idan kika karaya tun yanzu za'a tashi ba uwar ba ribar"

Yana fitowa tati ta mike da sauri tana kallonsa ta tarbi gabansa sannan ta saka hannunta ta tare kirjinsa duda irin yanda ya kereta a tsayi sosai tana kallon yannayinsa

Gabanta bai daina faduwa ba, haka kuma bata tunanin zata iya tsayar da maganarta tana kallonsa ta ce" HISHAM, SHIN MAHAIFINKA NA RAYE? "

Sai da ya lumshe idannuwansa yana kallonta, a hankali ya dago karfafan hannayensa ya dora a kan fuskarta ya talabo fuskar tata sosai yana kallonta kafin ya sauke ajiyar zuciya a sanyaye ya ce" YANA RAYE, YANA ZAUNE DA IYALINSA A YANZU HAKA A NAN CIKIN DAMAGARAM!"

Yana gama fada ya saketa ya fice a dakin inda wani irin abu ya shiga buga mata a kanta kamar ana doka mata guduma

Kafarta ta daga ya kai sau uku ta yi hanyar dakin mama sai ta dawo ta yi wajen kofa

Karshe dai da sauri ta fada dakinta ta dauko jakarta tare da wayarta ta fita dan amsar ky din mota daya ta fice a gidan kamar wace zata tashi sama ta nufi ainahin tsohon gidan da suka rayu da mijinta!


Kamar minti talatin tsakani Kader ne ya shigo falon gidan ya nufi mama dake zaune a kan kujera carbi a hannunta ta kasa katabus

Yana zuwa ya duka a gabanta gaba daya hankalinsa a tashe ya shiga fadin" Haba mama, haba mama, me kuke son yi ne tsakani da Allah? Mama menene haka dan Allah? Haba mamanmu me yake faruwa ne dan Allah?"

Ba zato ba tsamanin furucin mama, Kader ya ji ta shiga fadin kalamai kamar haka tana mai karra tsatsare shi da idannuwanta masu kima ta ce" Shin zaka auri BILKISU? "

tsittt ya yi da maganar da yake yi a hankali ya wawaiga ko zai ga da ainahin wanda mama take bayani da shi

Gannin bai ga kowa ba sai ya kara kallonta da niya ci gaba da maganar da ya shigo da ita sai dai kash, tun bai furta komai ba ya ji ta kara fadin kalaman nan wannan karron harda rike dan hannunsa dan ta samu amsa

A zabure ya mike tsaye yana kallon mama galala kafin ya ce" Takwarankwatsa ko wani shege ya nemi hakan sai mun halaka shi " wannan shine alwashin da muke yi ni da shi, yanzu mama tsakani da Allah kennan ni kike so a halaka din? Mama ni kadiri dan zuwaira nine zan tarbi wannan kasadar? Mama bari ki ji abinda yake faruwa ......"
Kader ya fada yana mai zama dangalgal yana tankwashe kafafuwansa tsabar kaduwa ya dago yan yatsunsa ya shiga irge da magana hankalinsa a tashe ya shiga fadin
........






I'm sorry biki muke wollah lv u all mutanena
[7/24, 10:19 AM] BAK'A CE: 🎾🎾🎾🎾🎾🎾🎾🎾🎾🎾
*DUK NISAN JIFA*
_(K'asa zai dawo)_
🎾🎾🎾🎾🎾🎾🎾🎾🎾🎾

_RUBUTAWA_

*SAJIDA*

*SADAUKARWA*

*GA*

*MASOYA NA*


💫✨ *TAURARIN MARUBUTAN NIGER (ASSO.)*🌟
_(Tsintsiya mad'aurinki d'aya)_🤝

☆ *[ T.M.N.A]* ☆ 📖🖊️

https://www.facebook.com/Taurari-marubutan-niger-111773560677003/

_Bismillahir rahamanir rahim_


41


Assalamu Alaikum
Masoyanmu da fatan kuna lafiya.

Muna miko maku godia da fatan alkhairi masu matukar yawa a yadda kuka nuna mana kara da kauna wajen siyan littafinmu na kudi.
Alal hakika munji dadi kuma mun gode sosai Allah ya saka da alkhairi ya kara budi.

Ina kuma kara kira ga masoyana wadanda basu siya ba dasu garzayo su siya domin muhimman darussa rayuwa, ilmantarwa da nishadantarwa dake cikin littafin. Dukkan wanda yaji taken littafin na *AURE YAKIN MATA* yasan littafi ne mai cike da ilmantarwa da bude ido akan irin rayuwar zaman auren da muke a zamanin yanzu don haka babu danasani a siyan littafin.

Yadda kuke siyan littafin yana kara mun kwarin guiwa wajen yi maku typing din littafina na *KOMIN NISAN JIFA* ina fatan zaku cigaba da siye don in samu kwarin guiwar yi maku typing din littafina na kyauta akan kari ba tare da bata lokaci ba.

Na yadda daku na aminta da irin kaunar da kuke mun, nasan kuma zaku siya littafinmu mai take *AURE YAKIN MATA*

*INA SONKU SOSAI INA ALFAHARI DA KASANCEWA A CIKIN DUNIYARKU.*

Ga mai bukatar wannan littafi *Farashin mai sauki ne* naira dari uku (300) kacal ga yan Nigeria, yan Niger kuma dala dari ne (500)👌 zaka samu wannan littafi mai dubbin darussa a cikinsa.

_Domin tura kudin siyan littafin ga yan Nigeria sai a tura ta wannan account number din *2377403479* Khadija Umar Abubakar. Zenith Bank. Kuma akwai damar tura kati ta wannan lambar *081-686-594-14* IDAN KA YI TRANSFERT SAI KA TURA SHAIDA TA WANNAN NUMBER +227 93 81 16 18._

_'Yan Niger kuma sai ku tura katin MOOV ko Airtel ta dala dari watau 500 francs ta wannan lambar *+277- 94-98-56-52*_

Na yadda daku, na aminta da irin kaunar da kuke mun don hakan ina da yakinin cewa zaku siya don nuna mun kalar soyayya da kaunar da kuke mun da littafaina🥰


Kader ya ce"Mama idan baki sani bama ki sani walahil azim yaronki a kan Bilkisu dan ta'ada ne,a kanta ya iya irin maganar nan ta yan jagaliya sai ya murje uba da babarsa, mama walahi kin ga idan na ga Hisham na laso laso a kan abu nakan tare masa gaba na yi kundubala da abinda yake yiwa jinkirin na tarbi