ba, duk ta kwaɓe komai saboda azabar wahala, Baiwar Allah sai take ganin kamar kayan ne suke kara mata zafin da wahala, duk wasu gwala-gwalai tayi wurgi da su gefe guda, ta yi ƙoƙarin ta yaga rigarta ko alkyabbar ta dan ta ɗaure cikin nata in da suka harbeta da kifiyar da kyau, amma ina ta kasa, bata da karfin iya yaga komai, haka ta daure ta hakura tare da dafe wajen kawai.

Ganin cewa kamar lokacin mutuwar tane ya yi saboda azaba yasa ta daure cikin wani irin mawuyacin hali ta fara faɗin.

"Ya Ubangiji na, kai kaɗai zaka taimaka mun a cikin wannan bakin azabar da nake a ciki, ya Allah dan karfin ikonka ka kawo mun ɗauki cikin gaggawa, ka saukakamun wannan nakuda cikin gaggawa, ya Allah kada ka bari na mutu ba tare da na kalli abin da zan haifa ba, ya Allah ko bayan raina kasa abin da na haifa ya zamana shi ne sanadiyar rugujewar RAWANIN ZALINCI ya tayar da RAWANIN ADALCI da aka kwantar, ya Ubangiji ko na mutu ko ban mutu ba na baka amanar abin da zan haifa, Allah ka kula mun da shi, ka raya mun shi, ya Allah ka bashi basira da kaifin kwakwalwa da tunanin da zai iya tunkarar waɗan nan azzaluman da suka zaɓi ɗaura RAWANIN ZALINCI a kansu, ya Allah ka bashi iko cika mun burina, ya Allah ka sanya mashi tsoronka da kuma aiki da abin da kace, kasa ya zamana Zaki a cikin zakuna mai ruguje ZALINCI ya kafa ADALCI tamkar jinin ABDUL MUTALLAF na hakika, ya Allah kada ka bar mahaifinsa........."

Bata kai karshen addu'ar tata ba wani irin azababben nishi ya kwace mata wanda ya sanyata dakatawa daga addu'ar nan take.

Babu wani sauran karfi da ya rage mata, dan haka nishin ma bata iya yin shi sosai ba, amma a haka take ta ƙoƙari tana fama, abin gwanin ban tausayi. Sai dai kuma abin mamaki a nan shi ne yadda take faman tana son ganin ta haihu tamkar wadda ta taɓa haihuwa, kamar ta san komai dangane da haihuwa, ga dukkan alamu wannan ba shi ne haihuwarta ta farko ba, idan ma shi ne to tabbas tana da sani sosai a wannan ɓangare, ko kuma likita ce ma.

Jim kaɗan ta saki wani nishi wanda ya zo mata da karfinsa, nan take baby ya faɗo cikin wannan ruwa, ya kuma faɗo duniya da kukansa na nuna alamar lafiyayyene.

Cikin sauri ta sanya hannu ta ɗauke shi, dan saboda kada ruwan ya kashe mata shi. A saman kirjinta ta manna shi sai kuka yake yi, ita ma sai a lokacin ta sami damar yin kuka sosai.

Jim kaɗan bayan faɗowar baby kamar da minti ɗaya wani sabon nakuda ya taso mata gadan gadan, kankame babyn nata ta yi a saman kirjinta tana salati a cikin zuciyarta tare da ciza laɓɓa, murkusoso ta fara yi, tana wani irin numfashi mai matuƙar ban tausayi.

(Kai ko ni Princess Teema ina son sanin labarin wannan mata, kuma ina yi mata fatar Allah ya amsa mata addu'arta ta samu mai kwata mata ƴanci kamar yadda ta buƙata😭 irin wannan azabar zalunci haka?😭)

Duk kuma wannan wahala da take ciki taki sakin babyn da yake hannunta, haka ta kankame abinta gam. UWA KENAN BA WANDA ZAI IYA YIN HAKAN SAI ITA!.

A nakuda na biyu bata wani wahala sosai ba, ba ta ɗauki lokaci ba shi ma sai ga nishi ya zo mata da karfi, nan take baby na biyu ma ya sake faɗowa, ga na farkon sai kuka yake yi mata, da faɗuwar baby kamar da minti ɗaya sai ga mahaifa ya biyo baya.

Mahaifa na faɗowa kuma ta nemi duk wani ciwon kaf ta rasa, Allah ya sawwaka mata.

A hanzarce ta ɗauko ɗayan babynma ta haɗe su a saman kirjinta, sai dai baby na biyun sam bai yi kuka ba, bai kuma yi motsi ba, tamkar babu rai a jikinsa, bata damu ba, kuma bata ma lura da babayn bai yi kuka ba, saboda kukan na farkon ya toshe mata kunne kuma ya ɗaga mata hankali, dan tana tsoron kada ace waƴan nan dakarun yaki da suka biyota ɗin suna kusa su jiyo kukan jariri su zo su hallakata su karɓe mata baby's su rabasu, saukin abin ma ɗaya da akwai karan zubar ruwan sama na tashi kuma suna cikin rami, so kukan baya tashi zuwa waje sosai.

Kasancewar har lokacin ruwan gudu nan na gangarowa cikin ramin ne yasa ruwan ya kai mata har izuwa saman cikinta a yanzu. Ganin hakan ne yasa ta yi yunkurin miƙewa tare da baby's ɗin suna manne a kirjinta.

Amma ina sam ta kasa tashi, wani irin kuka ne ta ji ya zo mata, yanzu idan wannan ruwa ya cika ramin ya zasu yi? Ƴaƴanta mutuwa fa zasu yi, abin ku da jarirai mutuwarsu ba zai yi wahala ba.

Tuna cewa idan ruwan nan ya cika ramin nan baby's ɗinta mutuwa zasu yi ne yasa ta sake yin yunkurin tashi, amma ina ta kasa, kara ƙanƙame ƴaƴan nata tayi tana ambaton sunan Allah da ya kawo mata ɗauki, ruwa kuma yana ta kara cika rami, ga ruwan sama sai kara karfin zuba yake yi, walkiya da kuma tsawa ya yawaita a sararin samaniya, duniyar ta yi duhu sosai tamkar dare ne.

TO KO TA YA YA WANNAN MATA ZATA FITA DA ƳAƳAN NAN NATA⁉️

A hankali ta dawo da kallonta a kan wannan baby daketa zuba kuka tamkar makoshinsa zai ɓalle. Wasu zafafan hawayene ta ji sun fara zubo mata a saman kuncinta gwanin ban tausayi, yanzu shikenan tana ji tana gani baby's nata zasu mutu a hannunta? Ita sam bata damu da kanta ba, burinta kawai ƴaƴanta su rayu, koda kuwa ita zata mutu, dan tana da yakini da kuma sa ran Allah zai amsa mata addu'arta.

Ga baby's ɗin kuwa, jajir da su, haskensu ma irin hasken Koreans ne, dukkanninsu idanunsu a rufe gam, kyawawan gaske ne na wuce misali, dogon hancin nan sak irin na mahaifiyar tasu, wannan mai ihun ɗan bakinsa ɗan karamin, bata duba me ta haifa ba, mata ne ko maza or mace da namiji, sai hankali a kwance ake wannan, ita dai ta rungume kayanta, amma fa ba karya kyawawa gaske ne baby's ɗin, bare ma wannan mai tsallah ihun, ɗan bakinsa jajir sosai, da yake yanayin fatarsu kalar madara kalar Koreans, sai jan lips ɗin ta kara bayyana over. Ɗayan baby dai shiru har yanzu bai motsa ba, da alama dai kamar babu rai a jikinsa, shi kuma lips nasa dark purple ne mai matuƙar kyau da ɗaukar hankali.

Wannan baby da bai motsa ba gashin kansa launi ne mafi tsada a duniya, wato launin white color, ba irin normal white da kuka sani ba ne, a'a na babyn ya yi wani irin gold white ne a kwance yana ɗaukar idanu, mai azababben kyau da shi, ba kasafai aka cika samun masu irin gashin a duniya ba, sai ɗaiɗaiku, ɗaiɗaikun ma sai ta can ƙasashen AREWACIN DUNIYA, ta yanki Asia ta Arewa kenan, kuma a bincike ya nuna mafiya yawan masu gold white hair nan, ba karamar baiwa da basira ke garesu ba, amma sai dai kash baby baya motsi, yaki ya motsa, babu rai a jikinsa.

Ɗayan baby dake ta tsallah kukan kuwa, gashin kansa bakinkirin ne mai bala'in tsantsin gaske, ya yi tamkar an kifa mishi hula ne a kan nasa, tsabar bakin gashin nasa har ya yi tamkar dark blue, yana wani irin kyalli na daban, ga gashin nasu yar'yar sai tsawo ba cika, kana iya ganin farin fatar kansu, saboda rashin cikar gashin, tsawo kuma ya sauko musu har gaban goshinsu, ya kusa rufe masu idanu. A takaice dai dukkansu biyu suna da tsananin kyau na wuce misali.

A hankali hankali fa ruwan nan sai haurowa sama yake yi, yanzu ya fara taɓa mata baby's ɗin nata.

Kara haurar da su saman wajen shoulders ɗinta ta yi, tana mai cigaba da kuka tare da ambato sunan Allah da ya kawo mata ɗauki. Bata gaji ba, haka take ta kokarin miƙewa dan ta ceci ƴaƴanta, amma duk wasu gaɓoɓi na jikinta sunki yarda su bata haɗin kai wajen ta iya miƙewa, kada ku manta tana da ciwo a cikinta na kifiya da aka harbeta, ga kuma haihuwa, ai ta auna babban arziki ma da har yanzu take cikin hayyacinta, har yanzu tana karkashin kariyar Ubangiji dan shi kawai take ambata a baki da zucinta, idan kuma ka riki Allah to wlh wani abin idan Ubangiji ya hukunta a kanka, sai mutane su rinƙa kallon kamar tsafi ko asiri, saboda irin baiwar da kuma iko na mahaliccinmu, babu abin da ya fi karfin Allah a duniyar nan.

WANNAN ABIN DA SANYA MUTUN CIKIN TASHIN HANKALI YAKE...


*Masu buƙatar littafin TRIPLETS daga farko harshen su yi mun magana ta wannan number tawa, 08161390581.*

🤍PRINCESS TEEMA taku ta amana🔥



Share fisabilillahi 👏



ALLAH KA KARA MANA SON MANZON ALLAH 🔥🤍

🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍


🔥CROWN OF INJUSTICE🔥


🔥💔𝑨 𝒕𝒐𝒖𝒄𝒉𝒊𝒏𝒈 𝒉𝒆𝒂𝒓𝒕𝒔 𝒍𝒐𝒗𝒆 𝒔𝒕𝒐𝒓𝒚, 𝒅𝒆𝒔𝒕𝒊𝒏𝒚 𝒐𝒃𝒔𝒕𝒂𝒄𝒍𝒆, 𝒂𝒏𝒅 𝒓𝒐𝒎𝒂𝒏𝒄𝒆💔🔥



𝗠𝗔𝗟𝗟𝗔𝗞𝗜𝗡

❤️‍🔥FATEEMA ZAHRA MUSA ❤️‍🔥
(❤️𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)






🔥🤍T🔥🤍T🔥🤍W🔥🤍......💻




❤️𝑫𝑨𝑻𝑬 30/6/2024.....✍️📚🌹



🤍𝑺𝑻𝑬𝑷 1......✍️📚🔥





اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️




*Ga waɗan da basu sani ba, ni ina da tsayayyen lokaci na yin posting nawa, 5:30 dai'dai nake yin posting na littafina, duk wanda yake a grp nawa lokacin TRIPLETS ya sani, sai dai idan matsalar network aka samu, amma 5:30 na yamma dai'dai nake update 💘*






E____________3🔥




Tana a cikin wannan hali Allah ya aiko mata wani bawan Allah, da alama maharbine, matashin saurayi ne mai jini a jika, yana da tsawo sosai, ga faffaɗar kirjinsa kamar wani zaki, jajir da shi kamar tsada, a shekaru ba zai wuce 15 years ba, dakakken namiji ne, dan daga ganin irin yanayin tsayuwar da ya yi a bakin ramin, alamu sun nuna ba rago bane, namiji ne sosai, ko da yake dama rago ba zai iya kasancewa a cikin irin wannan daji ba, duk wanda ka gani a cikinta to jarumta ta ratsa jinin jikinsa sosai!.

Yana sanye da irin takalmar nan na maharba mai kama da waterproof shoe a kafafunsa, irin kayan nan da ake saƙawa da zare da audiga ne a jikinsa, wandoce mai matuƙar kyau da aka saƙata da audiga, sakar hannu ce mai kyau, ta saƙu sosai, wandon launin brown color ce, ta sama riga ce mai karamar hannu launin white color, ita ma ta sakar ce, yana sanye da hular sanyi ta saka a kansa, hular ta kasance brown color kalar wandonsa, daga kugunsa ya ɗaura wata kyakkyawar belt launin white color kalar rigarsa, ita ma ta sakar ce.

Kayan sun yi matuƙar yi mashi kyau sosai da sosai, ga su tsab tsab, babu datti ko kaɗan, tamkar yanzu ya sakosu, kamar ba maharbi bane ba, da alama yana da matuƙar tsabta sosai, dan babu alamar kazanta, datti a jikinsa.

Kyakyawan gaske ne wannan matashi, kamar ba mutun ba kuma, jajir da shi, kalar fatarsa tamkar madara, tamkar bai taɓa fita rana ba, skin nasa har wani kyalli take yi, tamkar wadda ya girma a cikin A.c da kuma rayuwa a manya manyan jiga jigan gidajen manyan muryoyi a duniya, sam bai yi kalar wannan dajin ba ko miskala zarratin.

Yana da doguwar hanci mai matuƙar kyau, hancin nasa bata yi irin doguwa zud ɗin nan ba, ɗan dai'dai mai matuƙar ɗaukar hankali, kasancewarsa fari kal da shi, sai yasa pink lips nasa suka kara bayyana sosai, tamkar lips ɗin mace, har wani kyalli suke yi, saboda ruwan sama da ya jiƙasu, bakin nasa ɗan karami, yana da dara daran idanu farare kal kal kamar audiga, bakin cikin kwayar idanun nasa kuwa, ya yi bakin kirin da shi, irin bakin nan da zaku ga har wani kyalli yake yi, saboda ya yi baki siɗif, sexy eyes ke gare shi, yana da gashin gera mai yawa sosai, a cike suke, sai dai suna kwance luf, saboda tsantsi, ga wani bakinkirin ɗin saje ɗan dai'dai a face ɗin nasa kamar babban mutun, face ɗinsa ya kasance kamar egg face, wato fuska mai ɗan tsawo ba cancan ba, face ɗin nasa kuma tana da cika, ba'a rame yake ba, alamar ya ci ya ƙoshi, sam babu alamar yunwa a tattare da shi, daga yanayin zubin halittarsa ma sam bai yi kala da wannan dajin ba, yafi kama ne da ƴaƴan manya manyan mutane waɗan da maƙudan dukiya suke yi masu mubaya'a, hakika wannan matashin kyakkyawan gaske ne, kuma babu tsoro ko miskala zarratin a cikin waɗan nan dara daran idanuwan nasa, dan a bushe suke, zara zaran eyeslashes nasa nan a tsai tsaye suke, alamar babu tsoron da yake ji.

Yana rike da wata iriyar lema wadda babu irinta a yankin nan, ƙasashen Arewacin duniya ne suke amfani da irinta, lema ce wadda aka kerata da itace, abin gwanin ban mamaki sosai, komai na jikinsa ba irin na yau da kullum bane, sabbin kere kere ne a zamanin nan.

Yana wucewa ne yaji kukan jariri a wajen wannan ramin, shi ne ya ƙariso wajen dan ya duba, yana leƙa ramin ya gansu.

A hanzarce ya kara waro dara daran idanuwansa yana kallonta, kamar mai tsoron juyawa ya juyo a hankali yana kallon gabas da yamma gudu da arewa, abin ya bashi mamaki ne, mace da yara a cikin wannan daji kuma cikin ramin nan haka, dole ya yi waige waige ko zai ga wani abin, fuskarsa a cike fal da mamakin ganinsu.

Ko da ya jujjuya bai ga alamar mutun ko wani abin mai rai a wajen ba, hakan yasa ya dawo da kallonsa a kanta.

Duƙawa a saman gwiwowinsa ya yi tare da miƙa mata hannunsa a kan ta miƙo mashi baby's ɗin, ga ruwan sama na zuba mashi a kansa sosai, dan ganinsu yasa ya saki lemar hannun nasa ya faɗi kasa ba tare da ya lura bama, sun bashi tausayi ne ainun ga mamaki da al'ajabin abin.

Da farko taki yarda ta miƙa mashi baby's ɗin, sai da ta kalli da gaske ruwa zai cika ramin, dan izuwa yanzu ruwan ya hauro mata har izuwa kirjinta ta sama, sam ba'a iya ganin breast nata, ruwa ya rufe, hakan ne yasa ta yi hanzarin miƙa mashi wannan mai tsallara ihun.

Karɓa ya yi tare da ɗan ɗago jikinsa daga kan ramin kaɗan. Sam bai iya rike jariri ba, ga kuma cibiya a jikin babyn ba'a yanke ba. Haka ya ɗan kwantar da shi a gefe, sannan ya cire rigar jikinsa ya nannaɗo babyn a ciki, duk da rigar tasa ita ma a jike take, amma tafi babu gaskiya.

Kwantar da babyn a gefe ya yi tare da komawa ya kifa jikinsa a bakin ramin, dan ya karɓi ɗayan babyn.

Yana miƙa mata hannu ta yi maza ta miƙa mashi babyn, karɓa ya yi tare da ɗago da jikinsa, ya haɗe baby's ɗin duk ya kudundunesu a cikin rigar tasa, sannan ya mike da su tsaye daga wajen, ya rungumosu sosai a jikinsa.

Ƙasan wata katuwar bishiyar mangoro ya je ya kwantar da baby's ɗin, Allah sarki wannan baby mai tsallara ihun shi ma ya yi shiru a yanzu, da alama dama sanyin ruwan saman nan ne tasa yake wannan uban kuka haka, shi kuma ɗayan dai shiru bai motsa ba har wa yau.

Ganyen bishiyar manya manyan ya karyo tare da shunfuɗawa a ƙasa kamar katifa, sannan ya ɗaura baby's ɗin a kai, ya kuma karyo wasu ganye ya rufa masu a saman kayan nasa da ya kudundunesu.

Da sauri ya juya ya koma wajen ramin, a lokacin ita kuma matar ta yi iya ka bakin ƙoƙarinta ta maida kayanta jikinta da ta cire, ta duka tamkar mai yin ruku'e daga zaune tana ƙoƙarin laluɓar sarkokinta da sauran abubuwanta a cikin ruwan, da alama abubuwan suna da matuƙar muhimmanci sosai kasancewarsu a tattare da ita, shiyasa take ta ƙoƙarin laluɓarsu a cikin ruwan.

Yana zuwa ya yi mata magana a kan ta kawo hannunta bari ya fito da ita, ya yi maganar ce da wata harshe na daban, hakan yana nufin yana da yare a bakinsa kenan.

Ɗagowa ta yi daga sunkuyen da take, sam bata san me ya faɗa ba, saboda bata jin yarensa, kura mashi idanu kawai ta yi tana kallonsa, sai da ta ga ya miƙo mata hannunsa ne yasa ta gane abin da yake nufi kenan.

Kin miƙa mashi hannunta ta yi, saboda wani dalili nata da bata bayyana ba. Sake yi mata magana ya yi a kan ta kawo hannunta ruwan nan yana karuwa ne. Nan ma bin shi da idanu kawai ta yi, dan bata gane ko kalma ɗaya da ya faɗa ba.

Da yaga hakan, sai ya miƙe ya nufi wajen manyan itatuwa dake wajen, zabgegiyar itaciya ɗanya shakaf ya karyo, sannan ya dawo bakin ramin.

Zura mata itaciyar ya yi a cikin ramin. Ba musu ta kama itaciyar shi kuma ya ja, da kyar ya iya fitar da ita, alamu sun nuna hannunta ne bata son ya taɓa, kome dalili? Mu je dai zuwa, koma menene zamu ji.

A bakin ramin ta zauna tare da dafe cikinta tana numfashi da kyar da kyar kamar zata mutu. Tsugunnawa a kusa da ita ta gabanta ya yi yana tambayarta meyake damunta?.

Sam bata jin yaren da yake yi mata, bata gane komai ba.

Ganin bata bashi amsa bane yasa ya fahimci bata jin yarensa ne, dan haka sai ya ce mata "Are you hearing English?". Ya yi maganar a hankali, yana da sayayyar murya sosai.

Da sauri ta gyaɗa mashi kai alamar tana ji, tana ciza laɓɓanta saboda azabar da take ji.

"Okey what i said here is what's wrong with you? Is there any problem?". Ya yi maganar cikin sanyin murya sosai, kuma daga yanayinsa