walwala ya ce "Asiya Toro babu oyoyo sai kallo mai kama da harara?"
Na gintse fuska na yi gaba, na bar shi.
Ya biyo ni falon dana shiga. Ya ajiye mini a gabana.
Ya fita da sauri sai gashi ya kinkimo kwanon satellite ya ajiye a tsakar gidan ina hango shi ta windo.
Da'di ya yi matu'kar kama ni. Domin na kagu na fara kallo.
Ya sake fita ya dawo rungume da kwali a kirjinsa da na yi zaton receiver ce. Dayan hannun kuma leda ne.
Na yi maza na gyara zamana na yi kamar harkokina kawai nake yi.
Ya shigo da sallama na amsa a hankali.
Ina mamakin yadda Tijjani yake da yawan sallamah.
Ya zauna a kasa a gabana tamkar uwargida da yaronta. Amma girmansa da cikar haibarsa ya sanya bai yi kama da yaron gida a gabana ba.
Tunda ni din yar mitsil ce.
Yanayinsa yafi kama da na wadda yake neman a amince masa, a gamsu da lamarinsa.
Da barin jiki ya tashi ya dauko roba a kicin, da yar wuka hadi da bowl karami irin plastic din nan mai k'wari.
Ya debo ruwa a cikin robar. Ya shigo, ya bu'de ledar da tafi kusa da ni.
Apple ya ciro guda biyu ya wanke a cikin ruwan, ya saka su a bowl din tare da yar wuk'ar ya miko mini ya ce "Fara da wannan Asiya. Ki rage yunwa kafin na gama miki abincin.
Maghariba ta kawo kai sai na dawo daga sallah zan d'ora miki. Me kike son ci?"
Ban kar'ba ba, ban kuma tanka ba.
Ya ce "Ki kar'ba mana, me yasa kike yi mini haka ne?"
Yadda ya yi maganar a dan tunzure, bansan ya aka yi ba, na tsinci kaina da mika hannu na kar'ba.
Ya sassauta ya ce "ko na yanka miki?"
Ban amsa ba, illah hannu da na saka a cikin robar na wanke.
Sannan na dauki Apple din na fara gutsura da bakina.
Ya zuba mini ido yana kallon yadda nake cinsa cikin yanga tamkar me cin magani.
Ya murmusa ya ce "Yabi yanga".
Karon farko da kunne ya ji ya kira ki da Yabi.
Na dauke kai na ce "Tsabar adawa da kake yi da hajjina shine ba zaka ce Yabi ba. Yau kuma da bakinka ya subuce ka fa'da din sai da ka ha'da da bita da k'ullin yanga?"
Ya fashe da dariya sosai ya ce "Kamar kinsan subutul kalam na yi. Tun fil'azal nafi son ce miki Asiya domin sunan na matu'kar burge ni. Yanzu kuma tunda Jabir haka yake ce miki, na sake kauracewa sunan. Bana adawa da hajjinki, amma fa bazan kira ki da Yabi ba.
Ina fatan na samu damar da zan kai ki sauke faralli Asiya. Sai ki zama Hajiya ta sosai tunda hakan shine burinki."
Na dauke kai, na gutsuri apple na ce "Da wanne ku'din zaka kai ni Makkah?
Ai indai ina tare da kai babu wani alherin da zai same ni, bare alheri irin na zuwa Saudiyyah".
Tsawon lokaci ban ji ya ce mini komai ba.
Na juyo da kallona gare shi. Na ga jikinsa ya mutu. Duk kuzarin da ya zo da shi ya gudu.
Gaba'daya ya zama tamkar an kwara masa ruwan sanyi.
Ni kaina sai na ji jikina y mutu lakwas.
Tsawon lokaci muna haka tamkar masu zaman makoki.
Da k'yar ya yun'kura ya mike ya ce "Na tafi masallaci".
Na bishi da ido, ina jin abin da nake ji a kansa na sake mamaya ta. Na kasa gane tausayi yake bani ko kuwa menene?
Nasan dai ko ka'dan babu digon sonsa a raina.
Da zai dawo ya shigo da k'aramin gas (3kg).
Daga bakin kofar falon ya tsaya bayan ya daga labule ya ce "Me zaki ci Asiya?"
A hankali na ce "Ni na koshi, akwai macaronin nan a kicin".
Bai ce komai ba. Ya saki labulen.
Da kansa ya zubo abincin.
Sai dai wannan karon a kujerar nesa da ni ya zauna. Bayan ya dauko ruwa da lemun coke.
Na kalle shi tamkar wani mai wadata ya hakince ya saka ruwa da lemu a gaba.
Ya kammala, ya dube ni bayan ya ha'diye fishins ya ce "Ki dinga jin tsoron Allah Asiya. Yanzu abin da kika yi ya yi daidai kenan? Ki saka na k'ira Ummi na balbale ta da sababin bata yi mini aikin da na saka ta da kyau ba. Ashe ma kin ci kin cika cikin ki, tsabar fitina, da son ki tayar mini da hankali shine ya sanya kike kuka da fa'din abincin bai yi da'di ba?".
Na zum'bura baki, na kasa cewa komai.
Ya yi k'wafa, bai ce komai ba.
Ya sauko ya zauna kan kafet din ya bu'de reciver ya ce "Gashi na siyo miki."
Ganin ban amsa ba ya sanya ya cigaba da bude ledojin da ya shigo da su. Kusan duk kayan abinci ne dangisu shinkafa, taliya da macaroni. Sai katon din indomie da kayan shayi. Sai kuma leda mai dauke da sabulun wanki da su omo, makilin da maganin sauro na kunnawa.
A hankali ya ce "Ku'din da abokaina suka ha'da mini ne na siyo miki settlite da gas, shine na karo kayan abinci dan mu dan tura sosai kafin su kare."
Na juyar da fuskata na ce"Madallah".
Ya yi sororo murya a dakushe ya ce "Ba zan yi wani abu da niyyar na sanya ki farin-ciki ki nuna mini kin ji da'di ba Asiya?"
Cike da iyashege na fara wage baki, dukkan hakorana a waje, ga idona na zazzarosu tamkar mai motsi a k'wak'walwa.
Ina yin hakan, ina cewa "Na yi murna Tijjani. Ka burge ni Tijjani, na ji da'di Tijjani".
Sannan na dawo yanayina na zuba masa ido na ce "shike nan?".


*Annur food Delicious*
*Da k'arfin zuciya da guiwa na ke muku shunen inda zaku samu kayan da na zano a kasa cikin saukakkan farashi.*
*Shaida nake yiwa kayan annur domin dadinsu da ingancinsu ya kai kurewa*
*HANZARTA ki nemi kayansu dan ki gasgata batuna*
*Garin kunun tsamiya garin danwake, garin borkono, yajin daddawa, man shanu, nikekkakiyar gyada ta kunu da ta miya*
*08039183880*
✍️
[9/27, 11:21 PM] Hauwa Galadima: *WANNAN LITTAFIN NA KUDI NE BIYA KUDIN KARATUN KI TA WANNAN ASUSUN DAN GUJE WA BAKAR TA'ADA!*
*REGULAR 500*
*VIP 1K*
*VIA*
*2384876855*
*SURAYYA IBRAHIM DAHIRU*
*ZENITH BANK*

*KO*
*7061488065*
*SURAYYA DAHIRU IBRAHIM*
*OPAY DIGITAL SERVICES*.
*TURA SHAIDAR BIYA TA WADANNAN LAMBABOBIN*
*08032773332*
*09069067488*.


*Akwai kaya masu kyau a cikin farashi mai sauki*
*Maganin sanyi*
*Saiwowin Tsumi*
*Saiwowin dahuwar kaza*
*Saiwowin dahuwar tattabaru*
*Gumba*
*Tsumin kwakwa*
*Y'aya'n gadali*
*Hadadden daka*.
*Tsugunno mai sa a matse*
*Goran tula*
*Goran tula syrup*
*Garin goran tula*.
*Maganin gyaran nono*.
*Zuma ta mussaman*.
*Tsumi*.
*Da sauran kayayyaki na mussaman da basu da illah*.
*Domin kuwa asalin saiwowin ne da ake kawo su daga Chad*.
*Abu mai kyau shi ke siyar da kansa ku tuntube ni dan samun naku kayan cikin sauki da mututantawa. Ina aikawa ko ina a fad'in tarairaiyar Nijeriya*
*08032773332*

*Idan kina bukatar Oriflame products ko wanne irin ne, ko Kuma kina sha'awar yin register da su*. *Ki tuntubemi babbar dealer din su Aisha lame*
*Ina kuma fad'a muku akwai da daddan ganyen shayi na Lame Tea*
*Akwai pop corn*
*07036662633*

Ya girgiza kai, bai ce uffan ba, ya tashi ya kwashi kayan abincin ya nufi kicin da su.
Ina hangen sa ya dauko farantai ya juye kayan miya da ya barsu a tsakar gida.
Ashe har da doya guda uku manya. Sai da ya jide ya adana komai.
Sannan ya daga murya ya ce "Zan je sallar isha."
Bai jira amsata ba yasa kai ya fita.
Na tokara na dauro alwallah dan nima na sallaci isha.
Na idar na jima a zaune sannan na shiga daki na yi shirin wanka.
Na fito na shirya a nutse. Na dawo falo da nufin na sha ruwa. Aka dawo da wuta. Na kalli receiver dokin a ha'da mini ita ya kama ni.
Ina tsaye na gan shi ya dawo, na tsinci kaina da lekensa ta windo.
Na ganshi da bargo irin mai sau'kin ku'di da kuma pilo guda daya.
Kai tsaye dakin da kayansa suke ciki ya shiga da su.
Na dan ji wani iri. Na tsinci kaina da tambayar kaina da cewar wato bai damu sai ya zo dakina ba. Duk da k'arancin shekaruna ni din ma'abociyar karatun littafan Hausa ce mussaman da nake da babbar waya nake karatun littafan online. Ina ganin yanayin yadda angwaye basa daga kafa a wannan fagen. Sannan da yawa an yiwa kawayenmu aure da muka kammala k'aramar sakandire, muna jin labarin zumudin angwaye.
Amma shi wannan ko oho. Nan da da nan zuciyata ta baci a dalilin na hakaito*BAKAR TA'ADAR* Da ya saba yake yi!
Na ji tsanarsa ta sake tsananta a zuciyata.
Na dinga jan tsaki. A haka ya shigo ya same ni. Ya miko mini leda ya ce "Ga shi". Na juya baya ba tare da na kalle shi ba, bare na kar'ba.
Ya iso kusa da ni ta yadda muke jin hucin juna.
Kamshina ya mamaye wajen, da ace yana shafa turare da sun cakude sun bada kamshi na mussaman.
Baya wari, amma kuma ana dan jin tsamin maza ka'dan a tare da shi, wanda rashin tu'amalli da turare ke sababawa.
Takaici ya sake k'ume ni. Hawaye ya cika mini ido.
Ya nazarce ni. Ya nisa ya ce "Wai menene haka kike mini? Tsabar tsanarsa sai na ji hucin bakinsa mai bashi ne. Zuciyata ta taso na ji tamkar na sheka amai.
Na fa'di kan kujerar da bayana na fashe da kuka sosai.
Ya matso da sauri da nufin rike ni, na k'walla k'ara sosai. Ya yi maza ya janye hannunsa ya fasa.
Ya sassauta ya ce "ki daina yi mini irin haka Asiya. Ubangiji ya sanya mini k'yamar na ji kukanki. Fa'da mini me nake yi miki?"
Tsawon lokaci yana dakon amsa ta.
Ya kosa da shiruna ya ce "Ki yi ha'kuri komai zai dai-daita mana".
Cikin matsanancin kuka na ce "Wallahi ba zai daidaita ba. A hakan ne komai zai dai-daita?
Dube ka dan Allah! Ni gaba'daya baka burge ni".
Ya murmusa ka'dan, ya mike ya ce "Wata rana zan burge ki In sha Allah".
Har ya kai bakin kofa ya ce "Ki ci nama ne, idan kuma ba zaki ci yanzu ba, ki bu'de shi domin akwai albasa a ciki kada ta lalata shi. Ki kara ha'kuri Asiya".
Ina ganin ya fice na dinga kuka sosai mai dafa zuciya.
Ina jinsa yana ta kiciniyar jawo ruwa a rijiya.
Bayan kamar mintina talatin ya dawo ya zauna kusa da ni. K'amshin sabulun wanka kawai na ji a tare da shi ba na turare ba.
Cikin rarrashi ya ce "Kuka har yanzu Asiya?
Ba zaki yi hakuri ba! Ko wanne bawa da kaddararsa, ba ke ka'dai ba ce, ki tsananta addu'a."
Cikin kuka na ce "Addu'a sau milyan nawa zan yi?
Ai kaine matsala ta ni kam."
Ya yi shiru can ya ce "Innalillahi wa inna ilaihir rajiun!
Na mike da sauri na bar shi a wajen.
Ina shiga d'akin na rufe kofar da k'arfin gaske.
Na jima kafin barci ya sure ni.
Bansan yadda ya kare a inda na bar shi ba.
Washagari kuwa tunda na yi alwallah da asuba da na rufe kofata har shad'aya ina kwance duk da ba barci nake yi ba.
Sau biyu yana kwankwasa k'ofar. Amma na share shi.
Ban fita ba sai wajen shabiyu da rabi.
Shima uzzirin shiga band'aki ne ya uzzira mini. Kan dole na yi shirin wanka.
Na fito na tarar da shi a saman katanga yana ta daura kwanon setelite.
Ya ha'da zufa sharkaf. Na ja tsaki na shige band'aki.
Abin mamaki sai na tarar bayan robar band'akin da take a cike. Ya cika mini botikin wanka ya ajiye a inda ya saba ajiye mini.
Na yi shiru ina wasi-wasin yadda saurin fishi irin na Bulkachuwa baya yin tasiri akan sha'anina.
Na hakaito yadda yake ta ha'da zufa wanda na tabbatar dan ni yake yi.
Abin da nake ji mai kama da tausayinsa ya sake tsananta a tare da ni.
Bansan me yasa idan yana kusa da ni nake jin zafinsa ba. Amma ga dukkan alamu rashin iya wanka da gayunsa na cikin cikas dinsa a wajena.
Na gama uzzirin na yi wanka sosai.
Sadda na fito a falo na hango shi ya kunna talabijin yana ta kokarin saita tashoshi.
Na shirya tsaf. Kamshina ya cika dakin.
Na hau kakkade dakin.
Haka kawai sai na ji tamkar ana kallona. Na juyo ai kuwa sai ganinsa na yi yana jingine da bango ya yi mini zuru.
Na b'ata fuska na juya na cigaba da aikina.
Ya shigo ya ce "Asiya me zan miki ki daina mua'amalanta ta irin haka?
Ko arzikin gaisuwa bani da shi a wajen ki? Me ya yi zafi ne?"
Na share shi.
Ya tausasa harshe ya ce "Burodi na siyo. Na dafa shayi, na kawo nan, ko zaki fito falo?
Da kin daure ma, sai ki zo falon kina karyawa kina kallon tashar da kike so".
Ban d'ago ba, na ce "Kallo bai dame ni ba."
Ya yi shiru na sakwanni sannan ya saki ajiyar zuciya ya ce "Bari na kawo miki nan to".
Ya fita ba tare da ya jira amsa ta ba.
Bai jima ba, ya shigo da da biredi da robar butter. Ya ajiye, ya sake juya wa.
Ya dawo da kofi yana turiri.
Ya ajiye a gabana. Na kalli shayin na ga hadin kauri ya yi masa na sosai.
Amma wani sashe na zuciyata ya k'alubalanci had'awar da ya yi. Akan me ba zai kawo mini na ha'da da kaina ba kamar yadda ya mini jiya da shekaranjiya ba?
Take na yarda wani k'ullin ya shirya mini.
Ya zauna daga k'asa da rarrashi ya ce "sauko ki sha kada ya huce nasan ba kya son shayi idan ya huce."
Na zo na zauna kamar da gaske shan zan yi, na dinga juya cokalin cikin shayin.
Ya zuba mini ido yana kallon yadda gown din material din Umm Nihla kalar k'wanduwar k'wai ta karbi farar fata ta, dinkin kuma ya yi kyau sosai ya zauna mini.
*Umm Nihla mazauniyar Malaysia ce, daga can take turo kayanta masu aminci da rahusa zuwa Kano*
*Tana bada daya tana bada sari yadda ke ma zaki sami alheri*
*Tuntube ta manhajar Whatsapp dan ganin JERIN gwanon yadinanta da basa kode wa ko jeme wa*
*07020695644*
Ba zato kawai na tuntsurar da shayin.
Nan da nan kuwa shayin ya fara gangarawa inda yake zaune.
Ya zabura ya tashi. Ko ban kalle shi ba na sani ya kai k'ololuwar fusata tunda ya ga ba cikin kuskure ya zube ba.
Murya na rawa irin ta tsananin b'acin rai ya ce "Wanne irin wula'kanci ne haka? Idan ba zaki sha ba, ki bar mini mana. Almabozaranci babu kyau. Kin yi dan ki b'ata mini rai, ki saka ni ba'kin ciki! Tabbas hak'kar ki ta cimma ruwa. Raina ya baci k'warai da gaske. Sai dai ki sani, bazan sake yi miki irin wannan kyautatawar ba.
Yau kwanan ki uku a gidan nan. Daga yau kin fita daga bakunci a ka'idar shari'a. Dan haka ki fito ki dora abincin rana yunwa nake ji, ko kuma na bar ki da Ubangijin da ya wajaba miki yi mini biyayya".
Na fashe da kuka sosai domin ban zaci abin da zai biyo baya ba kenan.
Tun fil'azal na tsani ace za'a bar ni da Allah.
Cikin kukan na ce "Akan me zaka ha'da mini ba a gabana ba? Na sani ko ka jefa mini wani
abu a ciki".
Ya ja tsaki mai tsananin gaske. Ya ce "oh ina ganin tala jaurar duniya. Wai ke nan kina zaton zan miki wani abu a dole?
Ya girgiza kai ya ce "Babu macen da zan mata hakan. Sai kuma ya fashe da dariya mai sauti sosai.
Da murmushi ya ce "Asiya Toro manyan mata. Ki yi ta abu tamkar wata babbar mace. Dan Allah duka shekarun ki nawa ne?
Kin wuce sha biyar?
Ni kallon kwaila nake yi miki wacce bata gama fitar da halittun ta ba. Wacce bata kai wankan girma ya hau kanta ba. To me kike zaton zan miki da har zan baki wani abu na rashin gaskiya a cikin abin sha?"
Ba'kin cikinsa ya sake makure ni. Na sake fashe wa da kuka mai tsananin gaske.
Ya sa kai ya fice yana jaddada idan ban zo na dafa masa abin da zai ci ba, ya bar ni da Allan da ya kallafa mini yi masa biyayya.
Na jima ina zaune ina kukan ba'kin cikin takaicin da ya cusa mini.
Ga cikina sai kiran ciroma yake yi.
Ala tilas na tashi na fita bayan na goge fuskata da tissue.
Har lokacin yana ta faman hade wayar satellite din a jigin bango.
Na wuce shi fuu na fa'da kicin din.
Na tsaya ina nazarin me zan dafa ne?
A yadda nake jin yunwa zan fi son jalaf din taliya mai dan ruwa ruwa.
Dan haka na zabi kayan miyan da suka fara yin laushi na wanke na fara jajjege dan na rasa inda gireta take, duk da akwai wuta zan iya blanding dinsu. Sai dai na fi son na gansu a jajjegen.
Na yanka albasa mai yawa.
Na bare maggi duk na ajiye a kusa da ni.
Na tashi na daurayo tukunya, ya kalle ni, na galla masa harara.
Ya yi murmushi tare cewa "The great Asiya a kicin dinta".
Na share shi, na shiga falo na dauko naman da ban ci ba a fridge.
Na duba na ga ya cire albasar ciki.
Na nufi kicin din. Na zuba mai a tukunya. Na zuba albasa. Na jere komai na bu'kata a gabana.
Na kalli gas din da yake tsaye sabo dal da shi. Na fara tunanin yadda zan kunna tunda zancen gaskiya ban ta'ba kunnawa ba. Bamu taba amfani da shi a gidanmu ba.
Na yi shahadar murda wa sannan na fara kokarin kyasta ashana.
Sau biyu ashanar tana karyewa saboda rashin k'warinta.
A karo na uku ta k'yastu, na nufi bakin gas din da ita. Ai kuwa gas ya yi wani irin but da karfin gaske! Na furgita, na tsora ainun, na mike na dinga karo da fatali da kayan da na jere a gabana na yi waje a guje cikin ki'dima mai yawa.
Ya fito a band'aki ke nan, ya gan ni a guje na yi dakina.
Ya biyo ni da sauri. Fa'di yake "mene ne, mene ne?"
Ya zuba mini ido yana kallon yadda jikina yake kyarma irin na tsoro sosai.
Da sigar salama ya ce "Asiya! Nutsu ki fa'da mini. Mene ne ya ki'dima ki haka?"
Ganin na kasa magana ya tashi ya nufi kicin din.
Ya tsaya a bakin k'ofar yaga yadda ruwa ya jiqa kasan kicin din. Komai a wancakale tabbacin ta kansu ta bi.
Ga gas kuma yana ta yi fahh.
Ya rage karfinsa. Sannan ya dora sanwar. Domin ya saba girki tun yana makaranta.
Ya gyra wajen. Bai bar kicin din ba sai da ya tsaida ruwan girkin tunda ya ga taliya ta yi niyyar dafawa.
Ya koma ya zauna kusa da ita a bakin gadon. Zuwa lokacin ta dan shiga nutsuwar ta.
Ya sassauta ya ce"Asiya wai mene ne? Kadangare kika ga ni ko tsaka?"
Na zum'bura baki na