nashi na d'ura kan tire kafin na k'ara gasa masa gashin tsiri da nayi mana na tunkuya na juye cikin d'an flasks mai kyau. D'auka nayi na koma falon. K'asa-k'asa nake jin maganan Gwagwo tana cewa

"Bikin ya gabato kenan. Jibi-jibi nan. Ita Aminan ce dai?"

Banji mai yace ba na d'aga labulen na shiga ina k'ara kiran sunan Amina a raina. Bikinsa da Amina ne yazo?. Amma Amina shine babu labari?. Wai anya wani abu bai shiga tsakanina da Amina ba? Amma ace bikinta guda da Moha na kasa sani?. Wannan abun farin ciki ne a gareni don burinta ya cika ta samu wanda ta jima tana dakon soyayyar sa. Gabansa na ajiye kayan ina jin idon sa a kaina. Juyawa nayi zan fice Gwagwo tace

"Yauwa tunda kazo Muhammadu. Ka kaimun Jadwah kasuwa zata yimin cefane."

Da sauri na kalli Gwagwo dake k'ok'arin ficewa daga d'akin. Wai me Gwagwo ke nufi ne?. A hankali na mayar da ido na kansa har yanzu ni yake kallo. Kasa jurar kallon nasa nayi na juya da sauri na fice daga falon. D'aki nayi kai tsaye ina kumburi na samu Gwagwo zaune a hankali kwance.

"Waini Gwagwo menene sai faman had'ani ki ke dashi?. Mutum sai shegen kallo kaman maye ko kunyar ki bayaji, to kurwata kur"

Baki Gwagwo ta d'an hangame sai kuma tamin dakuwa

"Ungu nan. In bai kalle kiba ni zai kalla?. Kajimun wani shashancin banza. "

Haushi ya k'ara kamani na "kasuwar me kuma zamuje bayan akwai komai a gidan?"

"Aa babu Muhammadu na son cin tuwon masara niyar k'ub'ewa. Kije ki siyo mun k'ub'ewar da nama a dura masa. Da ai da kaina zanje amma tunda gaki ga mota kinga ai yafi sauki"

Wayyo yanda kuka san na rufe Gwagwo da duka wlh haka naji tsabar haushi.

"Wuce maza kije kiyi wanka ki chanza wannan kayan"

Ido kawai na zuba mata. Wai ba ita naji tana maganan auren sa da Amina ba?. Tasan kuwa abunda take tana neman had'ani dashi ta k'arfi da yaji don na gane inda ta dosa. Numfashi kawai naja na cire kayana fice zuwa banɗaki na watsa ruwa na fito. Sanda na dawo bata d'akin naji maganan ta falon suna hira. Shiryawa nayi cikin atamfa riga da sket na dura abaya a kansu. Gashina na nad'eshi kaman gammo nayi rolling mayafin abayar. Y'ar huda na shafa da man leb'e na fito riƙe da yar pose da flat takarmi da suka shiga da atamfar dake jikina light blue. Guri na samu a tsakir gidan nayi zamana saida naji Gwagwo ta kwad'amin kira na miƙe ina k'unk'uni na shiga falon

"Baki gama shiryawa bane tun d'azu ke yake jira?"

Bance komai ba naja na tsaya. Na fara gajiya da wannan kallon nasa. Miƙewa naji ya yi kafin naji wannan muryar tashi mai tsananin kaushi tace

"Bari muje Gwagwo sai mun dawo"

"To a dawo lfy Allah ya kiyaye. Kar ku manta da abinda nace"

"InshaAllahu Gwagwo "

Zuwa ya yi ya wuceni ya fice daga falon na ja doguwar ajiyae zuciya saboda kamshin sa mai sanyi da ratsa juya daya bugeni. Ban yiwa Gwagwo magana na fice daga falon don haushin ta nake ji. Ina fitowa k'ofar gida saida nayi dana sanin fitowa saboda jama'a da suka kewaye dankareriyar motar da yana nufa . Murfin motar ya d'aga sama sannan ya juyo inda nake tsaye. Jiki na rawa na nufi motar kaina a k'asa saboda idon mutane. Na tsani kallo wlh koya yake Jikina ta dinga rawa kenan. Da sauri na shige motar ya mayar da murfin ya rufe kafin ya zagaya ya shiga ya tada ida muka bar layin. Muna hawa kan titin sai ya rage gudun motar ya fara tafiya a hankali kaman mai sand'a. Numfashi na k'araja k'irjina na bugawa. Tunda na shiga motar naki kallon inda yake zaune. Kamshin motar da had'uwar ta ya sanya na jingina kaina jikin glass nata na rufe ido na. Chak naji motar ta tsaya da tafiya na buɗe idona a hankali ina kallan waje. Gefen titin ya faka motar motoci sai wucewa suke suna kallon motar dake fake gefeb titi. Idonsa da naji a kaina na had'iye wani irin yawu kafin na juyo a hankali muka had'a ido dashi. Kaifin idonsa yasa nayi saurin d'auke nawa na mayar windo. Wai menene ke damun mutumin nan ne?. Da deep voice nashi naji ya kirani

"Jadwah "

Yanda ya kira sunan kace don shi kad'ai aka rad'amin. Maganan nashi kana ji kasan hausa bata isheshi ba. Wani iri Ascent ne dashi mai dad'in gaske. Tsigar jikina ta tashi yamma, amma duk da haka ban juya na kalleshi ba.

"You have to tell me where we are going. "

Numfashi na fesar a hankali na juyo muka had'a ido nayi saurin kawar da kai. Dan dole nayi masa kwatancen inda zamu. Ina jin ya yi wani d'an k'aramin murmushi kafin ya tada motar ya hau titi yana bin kwatancen da nake masa. Kaman yanda Gwagwo tace na siyi k'ub'ewa da Nama. A hanya ya tsaya wani katon Mall ya shiga ban bishi ba don na kagu mu koma gida. Ya jima cikin Mall d'in can sai gashi da kaya niki-niki da yaran shagun biye dashi da wasu kayan. Saida suka gama saka komai cikin mota sannan ya shiga muka koma gida. Yana fakin na fice da sauri ina jin wannan mayuj idon nasa a kaina.
Tsakar gida na samu Gwagwo da wasu y'an maƙota suna hira

"A'a har kun dawo?"

"Eh" kawai nace na shige d'aki. Ina jin yanda ake ta shigo da kaya kafij naji muryar sa yana cewa da Gwagwo zaije ya dawo. Matan dake gidan sai hauka suke. Baki na tab'e ban fito ba saida naji tafiyar sa. Na fito nayi kitchen dan d'ura mana abinci. Kai na girgiza ganin yanda Gwagwo da matannan suks dukufa suna cin gashin kaza da lemo ga kayan makuleshe baje a gaban su. Tana cin nama Gwagwo ta kalleni ta d'auko katuwar leda ta miƙo min

"Ungu wannan taki ce kafin muga sauran kayan kuma"

Kabar kawai nayi na koma d'aki na ajiye na fito na d'ura mana abinci ban k'arabi ta kan kayanba. Wajen la'asar ya turo yaron sa aka karb'an masa abinci.

Ana yin sallan Magriba hadari ya had'u sosai muka shige d'aki nida Gwagwo. Allah yasa ma akwai wuta. Kwanciya muka yi bayan munyi sallah Gwagwo najin radio ba d'ago na kalle ta

"Gwagwo "

"Na'am "

Ta juyo tana kallo na " d'azu naji kina maganan Auren Amina? Amina dai tawa dana sani?"

Saida ta kashe radio ta juyo tana kallona sosai taja numfashi " eh ita. Me yasa ki ka tambaya?"

Jikina ya k'ara sanyi nace " Babu komai. Bansan me nayiwa Amina ba auren ta guda ta kasa aikowa a gayamin "

Gwagwo batace komai ba ta zubamin ido kawai. Numfashi na k'ara saukewa nace

"Yaushe ne bikin nasu Gwagwo ?"

"Jibi inshaAllahu za'a fara .haka Muhammadu yacemin "

Kai na jinjina " tafiya ta kamani gobe Gwagwo. Duk da bata gayamin ba ni zanje bikin nata nasan akwai dalilin da yasa bata gayamin ba. Amina ta wuce haka a gurina. Dole naje Gwagwo "

Zama Gwagwo ta gyara tana kallona "anya kuwa Jadwah. Me zakije kiyi?"

"Kinsan bani da kawa sama da ita. Zanje nayi mata bazata"

Gwagwo batace komai ba na juya na gyara kwanciya ban jima ba barci ya kwashe ni. Ido Gwagwo ta zubawa Jadwah dake sauke numfashi a hankali kafin ta yunƙura ta d'auko wayarta ta danna kira. Bugu d'aya ya d'auka

"Gwagwo "

Ya kira a hankali da muryar barci. " Taheer na tashe ka kana barci?"

"A'a Gwagwo "

"To kanaji yarinyar tasan zancen auren ka da Amina don ta ce gobe zata je. Nasan halin Jadwah da kafiya tunda tace zataje dole sai taje . Yanzu ya za'ayi kenan?"

Numfashi ya sauke mai zafi ya mayar da manyan idonsa ya lumshe. Sam bashi da burin zuwa bikin nan Kwata-kwata. Burin sa ya zauna a nan yana kallon wannan kyakkyawar fuskar tata dake so fierce kaman tiger.

"Babu komai Gwagwo nima goben zanje azaren sai mu tafi tare "

" to shikenan zance mata ta shirya ku tafi tare da tabi motar haya."

"Gwagwo bata buɗe wayar dana bata bane?"

Da d'an mamaki Gwagwo tace " au ka siyo mata waya? Yoo ai ita kanta bata sani ba. Bari da safe zansa ta fiddo da. An gode kaji Allah ya k'ara buɗi da arziƙi "

Da wannan sukayi sallama yana jin Gwagwo tamkar uwa daya rasa.

Washegari ya kaman alhamis. Ban koma barci ba bayan sallan asuba nayi tilawa da zikiri da gari ya fara haske na fito gyara gidan na d'ura mana abinci. Dana gama ba shiga wanka sai bayan na fito ne Gwagwo ta tashi daga barci. Kayana da zan tafi dasu na fara shiryawa cikin jaka sannan na shirya cikin atamfa maroon d'inki riga da sket. Duk abunda nake Gwagwo na kallona batace komai ba saida na gama shiryawa ta d'auko ledar dana ajiye ta buɗe tana lalube. Saiga kwalin waya ta fito da ita mai shegen tsada.

Ina kallo ta buɗe had'addiyar iPhone ta miƙo min. Da mamaki sosai kan fuskata na k'arba ina juya wayar tafin hannuna.

"Kunna mu gani"

Ban musa ba na kunna wayar .anyi set d'inta gaba d'aya don harda sim a ciki .cike take kuma da chaji. Karb'an wayar tayi ta saka number ta kira sannan ta miƙo min tana cewa

"Yauwa kinga na samu hanyar da zanji yanda ki ke sauka"

Na kasa cewa komai sai ido kawai dana zuba mata cikin matsanancin mamaki. Mamakina bai karu ba saida naji muryar Moha ya shigo gidan cikin shiri Gwagwo na cewa

"Yauwa Muhammadu k'araso. Maza ki wuce ku tafi kar kuyi rana"

Tana maganan tana turani ina binta da sakakken baki. Har bakin mota Gwagwo ta rakomu tana yima Addu'a.






𝗦𝗔𝗨𝗬𝗜𝗡
𝑳𝑨𝑴𝑨𝑹𝑰.





𝔸𝘚Η𝔸𝑵𝚃Ⲩ 𐐛૦𝚅𝞔.♡︎






𝐏𝐆 11.





𝙽𝙾𝚃𝙴 / sabods gudun rikicewa nayi wannan d'an notice. JORDAN kowa yasan jirgine za'abi ba mota ba. Amma ina so ku gane wannan JORDAN tawa kirkirar ce 😂. Don haka kar a rikicewa kusa tafiya zasuyi da baifi awa 4 ba a mota , to make it all short. Da fatan kun fahimci abunda nake nufi?. Ok?, OK 👌.

Alright on with the story.



Tunda muka d'auki hanya na mayar da hankalina da nutsuwa ta waje. Ban bari idansa da nake ji a kaina ya sani damuwa ba. Cikin raina nake Addu'a da y'ar tilawa duk dan hankalina ya kau daga kansa. Bansan awa nawa mukayi ba ya hanya ya faka gefen wani k'aton masallaci mai girma gaske da ke d'auke da kasuwa ta matafiya. Yana fakin motar na fara k'ok'arin buɗewa na fice saboda hango masallacin mata da nayi . Motar tak'i buɗewa saida na juyo na kalleshi already dama naji idon sa a kaina. Kaifin idonsa yasa kashemin jiki na sunkuyar da kai na k'asa k'irjina na harbawa. Wani irin firgita nayi na koma jikin window na mak'ure sakamakon hucin numfashin sa da naji ya daki fuskata babu zato. Kamshin minti breath nashi da daddad'an Kamshin sa ya bugeni. Ido waje nake kallon shi ya yunƙuru sosai wajen fuskata yana kallona da wani irin yanayi kan fuskar sa . Ido muka zubawa juna ina tunanin menene yake shirin aikatawa haka kuma? Numfashi ya d'an daya daki fuskata kafin naji yace a hankali

"Me ki ke so kici?"

Bakina ya fara rawa na kasa furta komai saboda yanda yake kallona. Wai meke damunsa ne?. Ganin na kasa cewa komai ya d'an ja baya kad'an ya riƙe sitiyarin motar da duka hannun sa biyu. Wani Numfashin ya k'araja a hankali ya fesar ya danna wani abu jikin motar ta buɗe. Da sauri na fice daga motar har ina k'ok'arin kifawa. Kai tsaye b'arin mata nayi na kama ruwa nayi alwala na shige masallaci nayi salla. Saida na d'an b'ata lokaci wajen Addu'a sannan na shafa na fito. Zaune na hango kan motar yana danna waya mutane sai kallonsa suke kaman sunga sabon halitta. A hankali na nufi motar ya d'ago daga duba wayar da yake dubeni kafin ya duro daga kan motar. Kafin na k'arasa ya buɗe min motar. Shiga nayi a hankali bance komai na shima ya zagayo ya shiga. Ledoji ya fidda dasu daga bayan motar ya ajie kusa dani. Tuni kamshin kaji da snacks suka cikamun hanci cikina ya fara kukan yunwa. Ina ji yace a hankali

"Eat something sai mu tafi"

Babu yanda za'ayi na iya cin abinci a gaban sa. Kaman yasan tunanin da nake naji ya yi d'an murmushi kafin ya buɗe motar ya fice. Yana fita na zage naci abincina hankali kwance saida nayi nak na ture gefe. Kaman minti biyu da gama cin abincin nawa ya dawo cikin motar muka d'auki hanya. Bamu jima da d'aukan hanya ba barci ya yi awon gaba dani ban farka ba saida muka isa Azare. Ido na buɗe a hankali ina salati. Gani nayi har mun shiga layi ya dunfari gidansu. A hanzarce na juyo ina kallonsa nace

"Ina zaka kai ni?"

Bai kalleni ba yace " Home" kai na girgiza da sauri ina kallon sa ido waje. Me zanyi a gidansu kuma?

" A'a gidansu Amina zaka kai ni me zanyi a gidan ku?"
Baice komai ma ya juya da motar zuwa gidansu Amina. Tun daga bakin layin nasu za kaba motoci nata shige da fice. Murmushi nayi sanda ya faka motar a k'ofar gida ba farara k'ok'arin buɗe motar amma taki motsi. Juyowa nayi na kalleshi.

"Ka buɗe min k'ofar "

Kaman bazai motsa ba sai kuma yaja numfashi ya buɗe min motar na fice da sauri shima ya fito. Zagayawa ya yi ya buɗe boot ya fiddo da jakata da wani d'an akwati mai kyau ya ajiye k'ofar gidan su Amina. Kallonsa nayi da akwatin nace

" Wannan ai ba nawa bane"

Wani irin motsawa ya yi gabana nayi saurin ja da baya na had'u da gate d'in gidan ina kallonsa ido waje. D'an sunkuyowa ya yi saitin fuskata yace

"Take care of yourself Alright?. Zan ki raki anjima"

Galala na tsaya ina kallonsa da d'unbin mamaki da tu'ajjabi. Menene hakan ne yake yi? Ya kuwa san nan k'ofar gidansu matar da zai aura ne. Idan mutane suka ganmu a haka me yake tunanin zasu d'auka?. K'ofar da aka d'an tab'a alamun za'a fito yasa ya d'an ja baya yana kallona. Yan matane suka fito sunci kwalliya sai shek'a dariya suke da alama hirar da suke tana musu dad'i. Gaba d'aya sukaci burki suna kallkn Moha da ido a waje. Shikam ko kallon su baiyi ba ya juya bayaj ya k'ara jifana da wani one last look ya juya da tafiyar nan tashi ta izza ya shige mota. Bansan na riƙe numfashi na ba saida motar ta b'ace daga idona na sauke wani irin dogon nishi. Jakata na d'auka da akwatin na shige ciki na bar y'an matan nan tsaye suna kallona har zuwa lokacin shock baibar kan fuskar su ba. Su zuzuce ganin Moha. Murmushi ne kwance kan fuskata na shiga gidan da ya cika da mutane kai. Ina shiga falon naci karo da Hajiya Fati da mutane. Taja ganina ta saki murmushi sosai kan fuskar ta ta nufoni da sauri

"A'a Jadwah. Kece a garin yau. Ashe zaki zo?. Lale maraba sannu da zuwa ya Gwagwo?"

Manyan matan dake d'akin ta bi tana nuna musu ni kafin tace a kaini wajen Amina suna can suna shiryawa za'a tafi kamu. D'akin Amina mua nufa har zuwa lokacin da murmushi kan fuskata. Daga I sai wasu kayenta guda biyu da maiyi mata kwalliya. An shiryata cikin wani arnan less da akayi masa d'inki doguwar riga maroon colour. Sosai tayi kyau. Ta mudubi muka had'a ido da Amina da akewa kwalliya. Mamaki ne naga kwance kan fuskarta tana kallo haka ma kawayenta.

"Jadwah "

Ta kira sunana babu wani farin cikin ganina. Ban damu da hakan ba na k'ara matsowa ina murmushi.

"Wlh baki da kirki Amina. Yanzu ace bikin ki guda da Big Brother ki kasa aikowa a gayamin?"

Fuska babu walwala tace " abubuwane sukayi yawa shi yasa na sha'afa" ido kawai na zuba mata aka cigaba dayi mata kwalliya daga haka bata k'ara cemin komai ba. Ina lura da irin harara da kawayen nara keta zubamin. Duk sai naji na fita daban, amma duk da haka ban sareba na cigaba da tsayuwa har aka gama yiwa Amina kwalliya aka k'arasa gyarata. Gaba d'aya suka miƙe zasu fito na biyo bayansu. Ban damu da chanza kayan jikina ba tunda babu abunda kayana sukayi. Harabar gidan da aka k'awata da decorating nan akayi kamu. Anci ansha an dance. Ina ta murmushi na jindaɗi sam ban bari ko in kulan da Amina kemin ya dameni ba. Ba'a tashi daga kamun ba sai wajen tara na dare kowa ya nufi makwanci. Hajiya Fati da kanta ta nemomin d'aki da zan kwanta inda na tarar da y'an mata biyu ne kawai a ciki. Jakata na hango gefen gadon na zauna ina tunani daga baya na shige bayi na watsa ruwa da alwala na fito nayi salla da nafila . Lokacin dana idar tunani y'an matan nan sun kwanta kan gadon. Kan kujera na samu na kwanta riƙe da wayata. Kunnata nayi ina tunanin kiran Gwagwo nasan yanzu dare ya yi tayi barci na barta saida safe. Ina k'ok'arin kashe wayar tawa kira ya shigo min. Mamaki ya kamani ganin sunan Big Brother a jiki. Koda yake ba abun mamaki bane tunda shiya kawomin wayar. Kaman karna d'aga na dai d'aga da y'ar siririyar murya.

Numfashi naji yaja a hankali kafin yace

"Bakiyi barci ba?"

"Hmm" kawai nace .

"Dama na kirane naji yanda ki ke. Fatan kinci abinci. Kuma suna treating d'inki well?"

Tunanin yanda Amina ta sauyamin ya fad'o " Lafiya nau nake. Me yasa ka ke tunanin za suyimin wani abu?"

Shiru ya yi baice komai ba har na y'an sakanni sannan yace " OK. Dama na kira naji yanda ki ke have some sleeps. Nayi waya da Gwagwo tace wayar ki a kashe."

Shiru ya ratso wayar har nayi tunanin ya kashe sai naji ya k'ara cewa "gobe ina so kisa kayan dana baki. "

"Wane kaya bayan nazo da nawa?"

" Jadwah